Afisa 6:21 - Dadiya NT

²¹ Mǝ swɨ lɛ jǝ́ nyǝm yɨm mǝndɨ jǝbɔ maajɨgɔ mǝ maa lɛɨ. N jʊ a bwɨ mǝ twam Tikikus a daa jen woi. N kɛ nǝ swɨtǝm, n nǝ tatǝm swatǝm yaa a maajɨ Tɛlalɔɨ. Sʊwa jen sʊwa kanjǝlɔ pʌd.

Afisa 6:21 ပူးပေါင်းရင်းမြစ်များ

Maajɨ Bɛtɔ Twamagɨɨ 20:4

Sabataras bwɛ Biriyaɨ, bʊla Burusi, jǝbɔ Aristarkus jǝbɔ Sakundus nǝbɔ Tasalonikaɨ, jǝbɔ Gayus bwɛ Darbaɨ, jǝbɔ Timoti, jǝbɔ Tikikus jǝbɔ Tarofimas nǝbɔ Asiyaɨ, ya ja ywa gǝnɨ.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

Filibii 1:12

Kambɔ, mǝ swɨ lɛ jǝ́ nyǝm, kanjǝl nɨ a bwɨ nǝn mɨɨ, nǝn gɔ a bɛ nǝn watǝm fulon kɛl lǝmɨgɨɨ.

Kolosii 1:7

Jǝ́ mɛla nyɔ a daagɔ Abafaras woi, nʊ nɨ nǝn swɨ lɛɨ, fwalɨ maajɨ nǝn. N nʊ a ta swatǝm yaa a do nyiyo nǝnɔ a maajɨ Kiristii.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

2 Timoti 4:12

N twam twamɨ Tikikus a Afisa.

Titus 3:12

Na mǝ twam bɔ Artimasɨ, mǝ twam twam Tikikus a daa mɔ woi. Na a bɛɨ, ka ń ta lɛ bʊtɔ, bɛ ń bɛ dǝbǝr dǝbǝr a daa mɨ woi a Nikafolis. N do a nǝl mɨ n ja shenagɔ wo.

Filimon 1:16

Kǝngkɔ n ke bɔ bwɛ jwaalɛ. A laa bwɛ jwaalɛ. N kɛ nǝ swɨtǝm a daa mɨ woi. A mʊnɔ a shu nyɔ a gola bʊtɔ jǝbɔ gola Tɛlalɔɨ.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

2 Bitrus 3:15

Bɛ jǝ́ nyǝm bwatǝm nǝl Tɛlalɔ bǝnɨ, gǝ nʊng gǝ swɨ lɛ nǝbɔ a bʊʊ. Kɨla bǝn Bulus wʊnɨ bǝ swɨ lɛɨ, a mʊla jem nyɔ tǝgǝn a nyǝmtǝm nɨ Kwaama a nǝ gǝnɨ.