Afisa 6:11 - Dadiya NT

¹¹ Jǝ́ dʊʊ kanjǝl tatǝm kun Kwaamaɨ pʌd sǝ jǝ́ dwal jǝ́ tɨ, jǝ́ kʌshi dul jenɔ a yʊlan mammɨ gǝm.

Afisa 6:11 ပူးပေါင်းရင်းမြစ်များ

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Roma 13:12

Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

2 Korinti 10:4

Kanjǝl tatǝm kun nǝnɔ n ke bɔ a yooli. N kwaan Kwaamaɨ, wʊnɨ gǝ kʌb kanjǝl kwaan Mammɨ lɛɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

2 Korinti 2:11

Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Afisa 4:24

Bɛ jǝ́ do kanjǝl fɨ nɨ ja fwal jen nǝn na a Kwaamaɨ a mʊgɔ dǝngdǝng jǝbɔ sagsag.

Afisa 6:13

Bɛ jǝ́ dʊʊ kanjǝl tatǝm kun Kwaamaɨ pʌd, sǝ jǝ́ dwal jǝ́ tɨ, jǝ́ kʌshi dul jenɔ nǝn di kɔkɔ bwɨla nɨ, sǝ na nǝn kwama jǝ́ dɨm tatǝm kun nɨ, jǝ́ ja kǝga nǝn tɨmɔ nǝn kwaan.

Kolosii 3:10

Jǝ́ do nǝl fɨ, wʊnɨ ja fʌto a jelkalǝng Nǝ Fwaltǝmɨ, sǝ jǝ́ nyǝm gǝn dangǝn.

1 Tasalonikaɨ 5:8

A bǝnɔ, bǝ na a yɨm nyalǝm. Bɛ bǝ yɨ yɨm tɔɔtǝm. Bɛ bǝ dʊʊ bɛllɛ kemʌn a nǝtǝm bɨlǝngkɛlɔ jǝbɔ swɨkan. Bɛ bǝ sum bule kemʌn na yatǝm nǝl a nyatǝm bʊʊtǝm.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Yakubu 4:7

Bɛ jǝ́ nǝ dul jenɔ a daagɔ Kwaama woi. Jǝ́ kɔ Mammɔ. Mwal jen mwal.

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

Dʊgam Nyangnyang 2:24

“A dul tangǝn jeni, jen nɨ a Tayatiraɨ, mɨ jǝ́ bwangtǝn mɛlalɨ Yezebeli lɛɨ. Jǝ́ maa bɔ mɛlalɨ nǝn jʊ kaamɨ a jo gɔ kanjǝl nɨ a bwa bwaɨ a Mammɨ. Mǝ sʊwa jen nɛ, mɨsɔ mǝ ya jem kaa jǝ tuulo lɛ a dul jen.