Afisa 6:1 - Dadiya NT

¹ Jǝ́ bɛtɨɔ, jǝ́ bwangtǝn tɛtǝlam jenɔ a dul Tɛlalɔɨ. Jʊ nɨ nǝn gɔ dǝngdǝngɨ.

Afisa 6:1 ပူးပေါင်းရင်းမြစ်များ

Luka 2:51

A bwanga jǝbɔ ji ja yǝla a Nazarat dakini. Yesu bwangtǝn kɛl jinɔ lɛ. Nɛnɛ gɔ a ya kanjǝl nɨ gwam a nǝl gǝn.

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Roma 16:2

Jǝ́ yo gǝn kangɔ yo yo a mʊgɔ dun Tɛlalɔɨ, kanga a daa tʌgo a nǝb nɨ sagsagɨ. Jǝ́ nǝ gǝn tɨkalɨ nɨ swɨ lɛ a daa jen woi. Jǝ́ maa nyɔ jʊ a bwɨɨ gǝ nǝn dul gǝn a tɨka nǝbɔ a lada, jǝbɔ mǝ tǝmɨ a kʊm jin.

Roma 7:12

Gǝ na nyɔ diiltɨnɔ gwam n sagsag. Diilɔ tǝgǝn n sagsag, n dǝngdǝng, a bʊm.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

1 Timoti 5:4

Na kaa nɔɔkʊla nǝn bɛtɨ, nǝn tʊgamɨ, bɛ bɛtɨ jǝbɔ tʊgamɔ ja mɛla, ja tǝl nʊngtǝm bwangtǝm Kwaamaɨ nɨ jǝ maa lɛɨ a mʊgɔ lɔ ji. Bɛ ja dʌng nʊ nɨ a bʌ ji, maatǝm jǝ nya nɨ n jǝ yotǝm a daa Kwaama woi.

1 Bitrus 2:13

A kɛl dul Tɛlalɔɨ, jǝ́ nǝ shigtǝm dul a daagɔ nǝb maatǝm borangɔ woi gwam. Jǝ́ nǝ shigtǝm dul a daa fɔlɔ dʊʊnɔ woi,