Afisa 5:8 - Dadiya NT

⁸ Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

Afisa 5:8 ပူးပေါင်းရင်းမြစ်များ

Matta 3:8

Jǝ́ maa maajɨ nɨ nʊng lɛ gɔ jǝ́ yǝla jǝ́ bǝla bwɨlangkɛl jeni.

Matta 4:16

Nǝb nɨ yǝm a kumtojili a kuwo gʌleng nyalǝmɔ, nǝb nɨ yǝm a tǝm duuli bwaagɨɨ nyalǝmɔ a gwi jim.”

Luka 1:79

sǝ a won a nǝb nɨ yǝm a kumtojilii jǝbɔ nǝb nɨ a nyiyo bwaaɨ, sǝ a yɔ nǝn bǝn a gola yɨm kwamɨgǝn.”

Luka 16:8

“Tɛlalɔ a bǝlá nǝ dʌngtǝm nɨ mɨ nǝn bɨlǝngkɛlɨ a dul yʊlan nɨ ga maaɨ. Nǝbɔ a kal nɨ a mʊgɔ yooli nɨɨ, jǝ nǝn yʊlan a mʊgɔ maajɨ jinɔ gǝm, ja laa nǝb nɨ a mʊgɔ nyalǝmɨ.

Yohana 1:9

Nyalǝm bɨlǝngǝnɔ nɨ won nɛ a nǝbɔ gǝm gwamɨ, bɛ lɛ a yooligɔ gǝm.

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 12:36

Jǝ́ nǝ bɨlǝngkɛl a nyalǝmɔ gǝm nǝn kwama jǝ́ dakini jǝbɔ gɨɨ, sǝ jǝ́ yǝlam bɛtɔ lɔ nyalǝmɨ.” Nǝn kwama Yesu a dɨm sʊwatǝm kɛl nɨɨ, nǝngɔ a shu a wuum nǝn dul gǝnɨ.

Yohana 12:46

Mǝ bɛ na nyalǝm a mʊgɔ yooli nɨ, sǝ nʊ nɨ gwam nǝ bɨlǝngkɛl lɛ a daa mɨ woi, a yɨ bɔ a mʊgɔ kumtojili.

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 1:21

Ja nyǝm Kwaama sul, mɨ jǝ dʊʊl gǝn nɛ gɔ n Kwaama, mɨ ji buu gǝm kang lɛ. Bʊʊlalɨ jinɔ gǝ na nǝn kwan, nǝl jinɔ a yǝlam kumtojili, mɨ nyǝmtǝm wo.

Roma 13:12

Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

Roma 2:19

na ń jǝla nǝn dul mʊnɔ mɔʊ mʊ nǝ tatǝm dwam kululʌmi, mʊ nyalǝm a kʊm nǝb nɨ a kumtojilii,

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

2 Korinti 6:14

Ka jǝ́ mʊrka lɛ dul jǝbɔ nǝb nɨ a nǝ bɔ bɨlǝngkɛlɨ. N wɛ a mʊrka nǝb nya jǝbɔ nǝb bwɨlanɨ? N wɛ a mʊrka nyalǝmɔ jǝbɔ duddugi?

Galatiya 5:25

Kanga bǝ na a yɨm Yʊwaɨ, bɛ bǝ bwangtǝn Yʊwagɔ.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 4:18

Nǝl jinɔ gǝ na a kumtojili, ja wʊlaka ji jǝbɔ kʊlɨ Kwaamaɨ, jʊ a bwɨɨ mɨ ji nǝn nyǝmtǝm a daa ji woi, a dul kwamǝn nǝl jinɔ gǝm.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.