Afisa 5:15 - Dadiya NT

¹⁵ Bɛ jǝ́ kɨla yɨm jenɔ. Ka jǝ́ yɨ lɛ yɨm swɛlatǝm. Jǝ́ yɨ yɨm a nǝb yʊlanɨ.

Afisa 5:15 ပူးပေါင်းရင်းမြစ်များ

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Matta 25:2

Nʊ a kʊm jin ja fʌm fʌmi. Nʊ n nǝb yʊlan.

Matta 27:24

Bilatus a kuwo ga laa bɔ kwaan jinɔ, kutʌmɔ swɨ lɛ a guni, nǝngɔ a dʊwa mwɛmɔ a saalǝm kang gǝnɔ a kǝga nǝbɨɨ, a sʊwa gɔ, “A mǝndɨ n jelʌm mɨ mwɛ mɨ wo a tʊʊm nʊ nɨ gǝm. Wʊnɨ n mwɛ jen.”

Matta 27:4

A sʊwa gɔ, “N maa bwɨlangkɛl mǝ lungto nʊ nɨ mɨ nǝn bwɨlangkɛlɨ ja jʌ gǝnɨ.” Nǝngɔ ja sʊwa gǝn gɔ, “N wɛ a dǝg nǝn woi? Nǝmɔ mʊ nyʊwaɨ.”

Matta 8:4

Nǝngɔ Yesu a sʊwa gǝn gɔ, “Bɛ ka ń sʊwa lɛ kaa nǝl. A laa jǝl yɔ, ya nʊng dul mʊnɔ a daa nǝkǝlagɔ woi, sǝ ń tǝla twama, kanga Musa a nʊng gɔ ja maaɨ, sǝ a yǝlam nǝtǝm nyiyo a gungtǝm mʊnɔ gǝm.”

Luka 24:25

Nǝngɔ a sʊwa ji gɔ, “N wɛ a bwɨ jǝ́ fʌmola nyɨɨ? Nǝl jenɔ a bwa nǝtǝm bɨlǝngkɛl nǝn jʊ nɨ nǝbkuwotǝmkǝgagɔ a sʊwa gwamɨ!

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Galatiya 3:3

Jǝ́ swɛla swɛla ka? N wɔ jǝ́ tǝl nǝn Yʊwa Kwaamaɨ, n wɛ a bwɨ jǝ́ swɨ lɛ jǝ́ tagǝm nǝn maajɨ bʊtɔɨ?

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Afisa 5:33

Bɛ balɨ a swɨ nwala gɔ kanga ga swɨm dul gǝnɨ. Bɛ nɔɔlɨ a nǝ bwɨla gɔ shigtǝm dul.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

Kolosii 4:5

Bɛ jǝ́ yɨ yɨm jenɔ nǝn yʊlan a mʊgɔ nǝb nɨ ke bɔ nǝb bwangtǝmɨ. Jǝ́ maa maajɨ nǝn gola nɨ jǝ́ nyaɨ.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

1 Timoti 6:9

Nǝb nɨ swɨ nyatǝm shilo lɛɨ, jǝ yal yal a mʊgɔ tɛltǝm jǝbɔ lan. Jǝ swɨ kanjǝl wɛl lɛ wʊnɨ nǝ ji twɨla lɛɨ, wʊnɨ yǝla dul nǝbɨɨ lɛɨ, bɛ lɛ nǝn kalatǝm jǝbɔ wulon.

Ibranii 12:25

Jǝ́ fɛ jǝ́ dʌng kage jǝ́ kɔ Kwaama nɨ sʊwa kɛl nɨ lɛɨ. Na nǝb nɨ a kɔ nyʊwatǝm nʊ nɨ gʊ jim lɔl lɛ a yooli nɨɨ ja bʊʊ bɨɨ, la maa nyǝn bǝ bʊʊ lɛɨ, na bǝ kɔ nʊ nɨ gʊ lɔl bǝnɔ lɛ a dʌbʌl kwamaɨ?

Yakubu 3:13

Nʊ nɨ nǝn yʊlan jǝbɔ nyǝmtǝm a kʊm jeni, bɛ ga nʊng a gola yɨm nyan jǝbɔ maajɨ nyan. Bɛ ga maa nǝn yʌbtǝm dul, wʊnɨ jǝ nya lɛ a mʊgɔ yʊlanɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”