Afisa 5:11 - Dadiya NT

¹¹ Bɛ ka kaa jǝl ya mʊrka jen nɛ jǝbɔ kanjǝl kumtojili. Na gǝ na nyɨɨ, bɛ jǝ́ jǝg bwɨlan jinɔ a talɨ.

Afisa 5:11 ပူးပေါင်းရင်းမြစ်များ

Matta 18:15

“Na kɨla mɔ a maa mʊn bwɨlangkɛlɨ, bɛ ń yɔ ya ń sʊwa gǝn mɔʊ ga maa mʊn bwɨlangkɛl jǝ́ kwaajen. Na a jǝla nǝn mʊɨ, ń yǝla nǝn kɨla mɔ.

Luka 3:19

A kwama gɔ Yohana a ga fɔlɔ Hiridus gǝm wulong, gɔ Hiridus a naa Hirudiya nwala kɨla gɔ Filibusi, jǝbɔ tangǝn bwɨlangkɛlɔ ga maaɨ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 13:12

Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

Roma 6:21

N sʊtǝm wɛ jǝ́ nya kwama gɔ a dul kanjǝl nɨ jǝ́ nyʊwa gunidul jinɔ lɛ kǝngkɨɨ? Dɨltǝm kanjǝl nɨ n bwaa.

Galatiya 6:8

Nʊ nɨ a kwal kwala a wɛl swɨtǝm nǝl gǝnɨ, nǝn gɔ yɔ lɛ nǝn gɔ a kʌsotǝm bwaaɨ. Nʊ nɨ a kwal kwala nɨ fulo Yʊwa Kwaamaɨ gǝm nǝl lɛɨ, nya nya kʌsotǝm kʊlɨ nɨ mɨ dɨtǝm woi.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Afisa 5:12

N jǝ gunidul ja sʊwa kanjǝl nɨ nǝb bwɨlangkɛlɔ maa lɛ daddadɨ.

Afisa 5:7

Ka kaa jǝl ya dɔ kʊm jen nɛ jǝbɔ ji.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

1 Tasalonikaɨ 5:7

Nǝbɔ gǝ daa dum lɛɨ, jǝ daa nǝn kum. Nǝbɔ gǝ nɔɔ lɛ ya maa ji lɛɨ, jǝ nɔɔ nǝn kum.

2 Tasalonikaɨ 3:14

Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul.

2 Tasalonikaɨ 3:6

Kambɔ, nǝn nǝ jen diil lɛ a mʊgɔ dun Tɛlalɔ bǝn Yesu Kiristii, jǝ́ wʊlaka jǝbɔ gwam nǝb nɨ yɨ yɨm sʊla lɛɨ, nǝb nɨ mɨ bwangtǝn mɛlalɨ nɨ lɛ jǝ́ nya a daa nǝn woi.

1 Timoti 5:20

Nǝb dʊʊm nɨ maa bwɨlangkɛl lɛɨ, bɛ ń ga jim wulong a kǝga nǝb bwangtǝmɨ, sǝ tangǝn nǝbɔ a nyʊwa taal.

1 Timoti 5:22

Ka ń gaala lɛ nu ń ya kaa nǝl gǝm kang bwili. Ka ń dǝg lɛ dul mʊnɔ a bwɨlangkɛl kaam nǝbɨɨ. Bɛ ń kɨla dul mʊnɔ sagsag.

1 Timoti 6:5

Nǝngǝn nǝn gʊbkatǝm kɛl bwɨlan jǝbɔ nǝb nɨ bʊʊlalɨ jinɔ mɨ a nyiyo jǝlɨ, bɨlǝngkɛlɔ a bǝla ji. Nǝb nɨ kuwo lɛ gɔ bwangtǝm Kwaamaɨ n gola nyatǝm shiloi.

2 Timoti 3:5

Jǝ nǝngǝn nǝn duuli sagsag. Ja kɔ kwaan dʊʊn gǝnɔ wʊnɨ dǝg ji lɛ ja yǝlam sagsagɨɨ. Bɛ ń tɨ a kʊta kʊtaɨ a daagɔ nǝb nɨ woi.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Titus 2:15

Bɛ ń tɨtǝn sʊwatǝm kanjǝl nɨ. Mʊ gʊ jim lɔl lɛ. Mʊ ga ji lɛ nǝn diil nǝn kwaan. Ka ń jǝla lɛ nǝbɔ a soga ń.

Dʊgam Nyangnyang 18:4

Nǝngɔ mǝ nyʊwa kaa diil a dʌbʌl kwama sʊwa lɛ gɔ: “Jǝ́ jelʌm a mʊgɔ gǝn, nǝbam mǝndɨ, kage bwɨlangkɛltɨn gǝnɔ a ta jem a bʊtɔ, kage gaalan bwɨla nɨ nya gǝn nɛɨ a nya jen.