Afisa 4:30 - Dadiya NT

³⁰ Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

Afisa 4:30 ပူးပေါင်းရင်းမြစ်များ

Markus 3:5

Nǝngɔ Yesu a dʌng ji a mʊgɔ kaltǝm nǝlɨ, a maa fitǝm nǝl a dul bǝngɨ lɔl jinɔ gǝm. Nǝngɔ a sʊwa nʊ nɨ kangɔ a swam swamɨ gɔ, “Mal kang mʊnɔ.” Nǝngɔ a mal kang gǝnɨ, nǝngɔ kang gǝnɔ a yǝla a bɛ tʌgo dǝngdǝngɨ.

Luka 21:28

Na kanjǝl nɨ a tǝl bwɨ lɛɨ, bɛ jǝ́ gung dul jenɔ, jǝ́ dʌng dʌbʌlɔ, jǝgtǝm jenɔ a dwama.”

Yohana 3:33

Na nʊ nɨ a yo kɛl nɨɨ, a nʊng gɔ Kwaama n nǝ bɨlǝngkɛl.

Maajɨ Bɛtɔ Twamagɨɨ 7:51

“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ!

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 15:54

Na bʊtɔ nɨ bʊta lɛɨ a fʌto bʊtɔ nɨ mɨsɔ bʊta lɛ woi, na bʊtɔ nɨ bʊla lɛɨ a fʌto bʊtɔ nɨ mɨsɔ bʊla lɛ woi, kɛl nɨ ja mʊlaɨ a yii, wʊnɨ sʊwa lɛ gɔ, “Ja kaa bwaagɔ, ja ku jelʌn a dul gǝn.”

1 Tasalonikaɨ 5:19

Ka jǝ́ bǝm lɛ Yʊwa Kwaamaɨ.

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

Ibranii 3:10

N dul kɛl nɨ mǝ maa nabwɨl jǝbɔ kal gɨɨ, mǝ sʊwa mǝʊ, ‘Kwangkwang nǝl jinɔ a tangǝm tangǝmɨ, ja nyǝm bɔ golantɨn mǝndɨ.’

Ibranii 3:17

A maa nabwɨl jǝbɔ wo jolɔ fʊltǝnaalɨ? N ke bɔ jǝbɔ nǝbɔ a maa bwɨlangkɛlɨ ka? N ke bɔ jǝbɔ nǝb nɨ bʌlʌn jinɔ a tǝla a kuuli ka?