Afisa 4:25 - Dadiya NT

²⁵ A dul kɛl nɨ, bɛ jǝ́ bǝla gabakɛlɔ wo. Bɛ ya jǝ́ sʊwa fatǝm yɨm jenɔ bɨlǝngkɛl lɛ, jʊ a bwɨɨ bǝ jinʌn bʊtɔgɔ win.

Afisa 4:25 ပူးပေါင်းရင်းမြစ်များ

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Roma 12:5

a dul kɛl nɨ, bǝn nɨ sul bǝ lada nyɨɨ, bǝ yǝlam bʊtɔgɔ win a mʊgɔ Kiristii, gwam bǝnɔ bǝ mʊrka bǝ yǝlam win.

1 Korinti 10:17

Kʊkkʊmɔ wo win, bǝn nɨ bǝ lada nyɨɨ, bǝ bʊtɔgɔ win, jʊ a bwɨɨ gwam bǝnɔ n kʊkkʊm nɨ win bǝ ja lɛɨ.

2 Korinti 7:14

N sʊwa gǝn mǝʊ mǝ maa lɨyal lɛ nǝn jen. Mǝ nyʊwa bɔ gunidul. Kanga kanjǝl nɨ nǝ sʊwa jen gwamɨ n bɨlǝngkɛlɨ, maatǝm lɨyal nǝnɔ nǝn jen a nu Titusi a nʊng n bɨlǝngkɛl tǝgǝn.

Afisa 4:15

Na a bʊm nyɔ bǝ sʊwaka bɨlǝngkɛl a dul swɨkan, sǝ bǝ dʊʊl a mʊgɔ gǝn a golantɨnɔ gǝm gwam. Bǝ yǝlam na Kiristi wʊnɨ nǝn gɔ n duli.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Afisa 4:31

Bɛ jǝ́ wʊlaka jǝbɔ kanjǝl nɨ gwam, nǝl kɔkan, jǝbɔ gungtǝm nǝl, jǝbɔ nabwɨl, jǝbɔ kɨlan, jǝbɔ kalkatǝm dun, jǝbɔ maatǝm shil nǝn dʌmʌn.

Afisa 5:30

jʊ a bwɨɨ bǝn bǝ jinʌn bʊtɔ gǝn.

Kolosii 3:8

Kǝngkɔ bɛ jǝ́ bǝla jʊtǝb nɨ wo, nabwɨl, jǝbɔ bʊwaka nǝl, jǝbɔ kɔkan, jǝbɔ kalkatǝm dun, jǝbɔ sʊwalatǝm kanjǝl bwɨla.

Kolosii 3:9

Bɛ ka jǝ́ maaka lɛ gabakɛl, jʊ a bwɨɨ jǝ́ kwɛl jǝ́ bǝla yɨm galɨgɔ jǝbɔ maajɨtɨn gǝnɔ.

1 Timoti 1:10

Ja maa diilɔ a dul nǝb kalalɨ, jǝbɔ batǝm nɨ daa lɛ nǝn kaam batǝmɨ, jǝbɔ nɔɔtǝm nɨ daa lɛ nǝn kaam nɔɔtǝmɨ, jǝbɔ nǝb nɨ kuu nǝb lɛɨ, jǝbɔ nǝb gabakɛl, jǝbɔ nǝb nǝtǝm nyiyo gabakɛl, jǝbɔ kanjǝl nɨ a yɔ bɔ dǝngdǝng jǝbɔ mɛlalɨ nyan nɨɨ.

1 Timoti 4:2

Nǝb nɨ mɛla kanjǝl nɨ lɛɨ jǝ maa lɛ na mɛlalɨ bɨlǝngkɛl jǝ mɛla lɛɨ, n fento, wʊnɨ nǝl jinɔ a bʊlam bʊlamɨ mǝ ja twɨ nǝn kemʌn shilo.

Titus 1:12

Kaa nǝl a kʊm nǝbkuwotǝmkǝga a Karita a sʊwa gɔ, “Nǝbɔ Karitaɨ kwangkwang n nǝb gabakɛl, bwɨlang yʊwaltɨn, nǝb sʊla, nǝb jam.”

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.