Afisa 4:14 - Dadiya NT

¹⁴ Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Afisa 4:14 ပူးပေါင်းရင်းမြစ်များ

Matta 11:7

Nǝn kwama ja shumi, nǝngɔ Yesu a tǝl sʊwa nǝbɔ kɛlɔ lɛ a dul Yohanaɨ gɔ, “N wɛ jǝ́ jel sǝ jǝ́ kuwo a mʊgɔ kuuli? N yayiligɔ yʊwagɔ mǝg lɛɨ ka? Ɔ ɔ!

Matta 24:11

Nǝbkuwotǝmkǝga gabakɛlɔ gun gun a lada, jǝ swag swag nǝbɔ a lada.

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Maajɨ Bɛtɔ Twamagɨɨ 23:21

Ka ń jǝla lɛ. Nǝbɔ a shu fʊltǝnaal a kʊm jin jǝ ywa gǝn nɛ, jǝ swɨ lɛ ja jʌ gǝn. Ja wɛɛl wɛɛlɨ gɔ mɨsɔ jǝ ja lɛ, mɨsɔ jǝ nɔɔ lɛ na jǝ jʌ gǝn bɨɨ. Kǝngkɔ ja fɛka fɛkaɨ jǝ yam jǝlatǝm mʊn.”

1 Korinti 12:2

Jǝ́ nyǝm kwamagɔ jǝ́ Bʌtʌbi, ja swag jen jǝ́ bwangtǝn shomtɨn, wʊnɨ mɨ nǝn nyiyoi.

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

1 Korinti 3:19

Yʊlan yooligɔ n fʌmʌn a daagɔ Kwaama woi. A mʊla mʊlaɨ gɔ, “Gǝ ta ta nǝb yʊlanɔ nǝn shil jinɔ.”

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

2 Korinti 4:2

Nǝn kɔ kanjǝl gunidul nɨ yǝlam jǝ yʊtǝm lɛɨ, mɨ swagkatǝm wo. Nǝn fʌto bɔ kɛl Kwaamaɨ. Nǝn sʊwa mɛlalɨ bɨlǝngkɛl a talɨ. N daa nɨ nǝbɔ nyǝm lɛ a nǝl jin gɔ nuwo nǝn nǝnɨ.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Afisa 6:11

Jǝ́ dʊʊ kanjǝl tatǝm kun Kwaamaɨ pʌd sǝ jǝ́ dwal jǝ́ tɨ, jǝ́ kʌshi dul jenɔ a yʊlan mammɨ gǝm.

1 Timoti 3:6

Bɛ ka yǝlam lɛ nʊ nɨ a yo Kwaama kǝngkɨɨ, kage a yǝlam nǝ gungtǝm dul, a yal a mʊgɔ borang nɨ ja biyo Mammɔ gǝmɨ.

2 Timoti 1:15

Ń nyǝm nyɔ, pʌd nǝbɔ a tǝm Asiyaɨ ja yǝla mɨ gul, Fijalas jǝbɔ Harmajanas wo a kʊm jin.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

2 Timoti 4:3

Kwamagɔ bɛ bɛ, wʊnɨ nǝbɔ mɨsɔ kʊ nǝl lɛ a mɛlalɨ nyanɨ. Jǝ mʊr nǝb mɛlalɨ nɨ mɛla jim jʊ lɔl jinɔ swɨ lɛ a nyʊwaɨ, jʊ a bwɨɨ lɔl jinɔ ga lɛ gaɨ.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

Yakubu 1:6

Bɛ ga kel nǝn nǝtǝm bɨlǝngkɛl, mɨ nyǝmatǝm wo, jʊ a bwɨɨ, nǝ nyǝmatǝm gǝ na na mwɛ nɨ mʊla lɛ a wɨmaɨ, wʊnɨ yʊwagɔ gung lɛ yǝla lɛ nǝn gɔ kanga swɨm lɛɨ.

Yakubu 3:4

Jǝ́ dʌng tɨyamwɛngtɨnɔ. Ja dʊʊla nyɔ, n yʊwa kwamɨ yɔ lɛ nǝn ji suli, n kǝlɨ bɛ dwam mǝgtǝm nǝ mǝgtǝmɔ gǝ yǝla gǝn nɛ nǝn a daa nɨ gwam ga swɨɨ.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.

1 Yohana 2:26

Mǝ mʊla jem kanjǝl nɨ a dul nǝb nɨ swɨ lɛ a swag jeni.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Yahuza 1:12

Nǝb nɨ a maa na jǝ bwɨla a kʊm mʊrkalɨ jen, jen nɨ jǝ́ ja jǝjalǝn nɛ dakinii. Jǝ ja lɛ, jǝ nɔɔ lɛ dakini jǝbɔ jen mɨ taal wo, mɨ gunidul wo. Jǝ dʌng dul jin kwaaji. Jǝ mwɛ nɨ a fii, a swiyo bɔ, yʊwagɔ a kwɨmɨ. Ja maa na tɨya nɨ mɨ tʊʊ tʊʊl lɛ nǝn kwama tʊʊl jini. Ja bʊlam nǝn pʌd mǝ ja kubom ji kubom.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.