Afisa 4:1 - Dadiya NT

¹ Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Afisa 4:1 ပူးပေါင်းရင်းမြစ်များ

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Roma 11:29

Jʊ a bwɨɨ nǝtǝm lǝma Kwaamaɨ jǝbɔ jotǝm gǝnɔ mɨsɔ gʊm lɛ.

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

1 Korinti 4:16

A dul kɛl nɨ mǝ kela jen nɛ, jǝ́ mɛla jʊ mǝ maa lɛɨ.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

2 Korinti 5:20

Gǝ na nyɔ, nǝn do nyiyo Kiristii, Kwaama gǝ jo nǝbɔ a gola nǝn. Nǝn kela jen nɛ a dul kɛl Kiristii, jǝ́ maa fɛkalɨ jǝbɔ Kwaama.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

Galatiya 4:12

Mǝ kela jen nɛ, kambɔ, jǝ́ yǝlam na mǝ, jʊ a bwɨɨ mǝ tǝmɨ n yǝlam na jen. Jǝ́ maa mɨ bɔ kaa bwɨlangkɛl wo.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Afisa 3:1

A dul kɛl nɨ, mǝ Bulus, mǝ bwɛ lɔsomi a kɛl dul Kiristi Yesui, sǝ n tɨka jen jǝ́ Bʌtʌbɔ.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Filibii 3:14

Mǝ sɨn nɛ n ja kǝga sǝ n yo lǝma. Lǝma nɨ Kwaama a jo i a dʌbʌl kwamaɨ, a kɛl dul Kiristi Yesui.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Kolosii 2:6

Kanga jǝ́ yo Kiristi Yesu nǝn Tɛlalɔ jeni, bɛ jǝ́ ja kǝga nǝn yɨmɔ a mʊgɔ gǝn.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

2 Tasalonikaɨ 1:11

N kɛl nɨ kwangkwang nǝn maa jem keli lɛɨ. Bɛ Kwaama bǝnɔ a dǝg jǝ́ yii jotǝm gǝnɔ. Bɛ kwaan gǝnɔ a tɨka jen jǝ́ maa kanjǝl nyanɔ gwam wʊnɨ jǝ́ ya nǝl maatǝmɔ lɛɨ. Bɛ ga tɨka jen jǝ́ maa jʊ nǝtǝm bɨlǝngkɛl jenɔ dǝg jen nɛɨ, jǝ́ maa jʊ jǝ́ swɨ lɛ jǝ́ maaɨ.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

Titus 2:10

ka ja kuu lɛ kuul. Bɛ ja nʊng tɛlalɔ jinɔ jǝla jǝla nǝn ji, sǝ ja dǝg nǝbɔ a nǝ dʊʊn a mɛlalɨ Kwaama Nǝbʊʊlɨ bǝnɨ a golantɨnɔ gǝm gwam.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

2 Yohana 1:5

Kǝngkɔ, mǝ kela ń nɛ nɔɔlɨ dʊʊ, bɛ bǝ nʊng swɨkatǝm. N ke bɔ diil fɨ mǝ mʊla mʊn nɛɨ, n nʊ gɔ bǝ nǝngǝn nǝn tɨkǝgaɨ.