Afisa 3:2 - Dadiya NT

² Mɨ nyǝmatǝm wo jǝ́ nyʊwa fulon kɛlɔ a dǝg ɨ mǝ yǝlam nǝ maajɨ fulon kɛl lǝma nɨ Kwaama a nɨ ɨ a kɛl dul jeni.

Afisa 3:2 ပူးပေါင်းရင်းမြစ်များ

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Roma 11:13

Jǝ́ Bʌtʌbɔ, mǝ sʊwa jen nɛ, mǝ nɨ mǝ bwɛ twama Bʌtʌbi, mǝ maa lɨyal lɛ nǝn maajɨ mǝndɨ.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

1 Korinti 4:1

A bʊm nyɔ jǝ́ do nǝn nǝn nǝb maajɨ Kiristii, nǝb tatǝm mɛlalɨ kanjǝl nɨ Kwaama a yʊ yʊɨ galɨgǝnɨ.

Galatiya 1:13

Jǝ́ nyʊwa yɨm nɨ mǝ yɨ galɨgǝn a mʊgɔ jǝfʊlǝn Yahudawagɨɨ, kanga mǝ nǝ mʊrkalɨ nǝb bwangtǝm Kwaamaɨ gaalan bwɨla nǝn bɨlǝngǝnɨ, mǝ maa gola jʌbotǝm jini.

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

Afisa 3:7

N yǝlam bwɛ jwaalɛ a maajɨ kiyotǝm fulon kɛl lǝmɨ nɨ, a dul lǝma nɨ Kwaama a nɨ ɨɨ, a gola kwaan gǝnɨ, kwaan gǝnɔ nɨ maa maajɨ lɛ a bʊtɔ mɨɨ.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Afisa 3:9

Sǝ n nʊng nǝbɔ gwam fɛkalɨ jǝ yʊtǝm nɨ a wʊnɨ jol jǝbɔ jol Kwaama a yʊ yʊɨ, nʊ nɨ a fwal kanjǝlɔ pʌdi.

Afisa 4:21

Bɨlǝngǝn, jǝ́ nyʊwa fulon kɛl nɨ a dul Kiristi Yesui, jǝ́ mɛla kɛl bɨlǝngkɛlɔ a dul gǝn.

Afisa 4:7

Kiristi a nǝ bǝn lǝmagɔ nǝn dʌmʌn kanga a kuwo gǝ tǝgam lɛɨ.

Kolosii 1:4

Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

1 Timoti 1:4

Ka ja kal lɛ kwama jinɔ nǝn kwan a shinitɨn jǝbɔ kiyotǝm dun tʊgalam jinɔ nɨ a laa kwaanɨ. Kanjǝl nɨ gǝ bɛ nǝn gʊbkatǝm, mɨ gǝ bɛ lɛ nǝn dʊʊlǝn a fɛkalɨ Kwaamaɨ, wʊnɨ jǝ nyǝm lɛ a gola nǝtǝm bɨlǝngkɛlɨ.

1 Timoti 2:7

N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

2 Timoti 1:11

N kɛl dul fulon kɛl lǝmɨ nɨ Kwaama a dǝg ɨ mǝ yǝlam nǝ kiyotǝm kɛl Kwaamaɨ, jǝbɔ bwɛ twama, jǝbɔ nǝ mɛlalɨɨ.