Afisa 2:5 - Dadiya NT

⁵ A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Afisa 2:5 ပူးပေါင်းရင်းမြစ်များ

Luka 15:24

Bʊla mɨ nɨ a bʊla, a yǝla a fulo. A lɛla, ja nya gǝn.’ Nǝngɔ ja tǝl gaanɨ.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Maajɨ Bɛtɔ Twamagɨɨ 15:11

Mɨ nyɔ! Bǝ nǝ bɨlǝngkɛl bǝngɔ n gola lǝma Tɛlalɔ Yesui bǝ nya bʊʊtǝmɨ, kanga ja nya tʌjii.”

Roma 16:20

Kwaama nɨ nǝ yɨm kwamɨgǝn nɛɨ, fala fala Mammɔ mɨsɔ kʊta lɛ, sǝ a nǝ kwaan jen a dul gǝn. Bɛ lǝma Tɛlalɔ Yesui a yɨ jǝbɔ jen.

Roma 3:24

Kwaama a dǝg ji ja yǝlam dǝngdǝng a mʊgɔ lǝma gǝnɔ gǝm nǝn kwan, ja nya jǝgtǝm dul nɨ a gola Kiristi Yesui.

Roma 4:16

N kɛl dul jʊ nɨ, Kwaama a nǝ kanjǝl nɨ ga maa swatǝm yaaɨ a nǝb nɨ a nǝ bɨlǝngkɛlɨ. Jʊ nɨ nǝn gɔ a yǝlam lǝma Kwaamaɨ, a yɔ nǝn a dʊʊm Ibrahimi. Ke bɔ a dul nǝb nɨ bwangtǝn diil lɛɨ kwaaji. A yɔ nǝn a nǝb nɨ a nǝ bɨlǝngkɛlɨ kanga Ibrahim a maamɨ. Nǝn gɔ nǝn Tɛtɛ bǝn pʌdi.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 5:6

A dǝngdǝng kwama nɨ, kwama lǝga bɔ bǝ kwamɨ, Kiristi a bʊla a kɛl dul nǝb nɨ a nyǝm bɔ Kwaamaɨ.

Roma 5:8

Kwaama a nʊng bǝn swɨtǝmɔ gǝ maa bǝm lɛɨ, nǝn kwama bǝ nǝb bwɨlangkɛlɨ, Kiristi a bʊla a kɛl dul bǝn.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

Afisa 2:1

Galɨgǝn, jǝ́ bʌlʌntɨn a kɛl dul bwɨlantɨn jenɔ jǝbɔ bwɨlangkɛltɨn jenɔ.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

Titus 2:11

Mɛla jim nyɔ jʊ a bwɨɨ, lǝma Kwaamaɨ a bɛ sǝ a bʊʊ nǝn nǝbɔ gwam.

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

Dʊgam Nyangnyang 22:21

Bɛ lǝma Tɛlalɔ Yesui a yɨ jǝbɔ nǝbam Kwaamaɨ gwam. A daa nyɔ.