Afisa 2:4 - Dadiya NT

⁴ Kwaama n nǝ jitǝm bʊnǝn, swɨ bǝn nɛ dangǝn.

Afisa 2:4 ပူးပေါင်းရင်းမြစ်များ

Luka 1:78

Kwaama bǝnɔ a bʊʊ nǝn bǝn nyɔ a dul gʌleng bʊnatǝm gǝnɔ gǝm. A gola bʊnatǝm gǝnɔ, nyalǝmɔ won won a dʌbʌl a gǝla a dul bǝn,

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Roma 2:4

Mʊ soga soga yotǝm lǝma gǝnɔ nɨ a lada nyɨɨ jǝbɔ kʊtǝm nǝl gǝnɔ ka? Mɔ nyǝm bɔ n lǝma Kwaamaɨ a gʊ ń, mʊ yǝla mʊ bǝla bwɨlangkɛl mʊnɨ ka?

Roma 5:8

Kwaama a nʊng bǝn swɨtǝmɔ gǝ maa bǝm lɛɨ, nǝn kwama bǝ nǝb bwɨlangkɛlɨ, Kiristi a bʊla a kɛl dul bǝn.

Roma 9:23

N jǝlatǝm gǝn a nǝ shilo dʊʊlǝn gǝnɔ a nǝb nɨ ga ji bʊnǝn jini, nǝb nɨ ga maa jim gola nyatǝm dʊʊlǝn nǝn tɨkǝgaɨ.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Afisa 2:7

Kwaama a maa jʊ nɨ sǝ joltɨn nɨ bɛ lɛ a kǝgaɨ sǝ a nʊng shilo lǝma gǝnɔ nɨ mɨ dɨtǝm woi jǝbɔ jǝ nya a daa bǝn woi, a mʊgɔ Kiristi Yesui.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.