Afisa 2:13 - Dadiya NT

¹³ A kǝngkǝnɨ a mʊgɔ Kiristi Yesui, jen nɨ galɨgǝn jǝ́ kʊtaɨ, a gʊ jen nǝn dɔɔm a gola tʊʊm Kiristii.

Afisa 2:13 ပူးပေါင်းရင်းမြစ်များ

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Maajɨ Bɛtɔ Twamagɨɨ 15:14

Saminu a nǝ fulon kɛl nɨ kanga Kwaama a tǝl dʌngtǝm Bʌtʌbi, kanga a do kaam nǝbɔ a kʊm jin a yǝlam a gɨɨ.

Maajɨ Bɛtɔ Twamagɨɨ 2:39

Jʊ nɨ nǝn gɔ swatǝm yaa Kwaamaɨ a daa jen woi, jǝbɔ bɛtɔ lɔ jeni, jǝbɔ nǝb nɨ gwam a kʊta kʊtaɨ, nǝn gɔ a daa nǝb nɨ gwam Kwaama Tɛlalɔ bǝn a jo ji a daa gǝ woi.”

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 2:6

A gung bǝn a bwaa dakini jǝbɔ Kiristi. A nǝ bǝn daa yɨm jǝbɔ gɔ a dʌbʌl kwama, a mʊgɔ Kiristi Yesui.

Ibranii 9:18

N jʊ a bwɨ swatǝm yaa tɨkǝgagɔ mɨ gǝ maa maajɨ lɛɨ, na mɨ tʊʊm woi.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.