Afisa 1:23 - Dadiya NT

²³ Mʊrkalɨ nǝb bwangtǝm Kwaamaɨ nǝn gɔ n bʊtɔ Kiristii, a yii nǝn Kiristii, Kiristi a yiilo kanjǝlɔ gwamɨ.

Afisa 1:23 ပူးပေါင်းရင်းမြစ်များ

Yohana 1:16

A nǝ bǝn lǝma pʌd a dul lǝma jʊ a bwɨɨ n gʌleng swɨtǝm gǝnɔ a ladaɨ.

Roma 13:5

A yǝlam nyɔ ń nǝ shigtǝm dul. Ke bɔ mwaltǝm nabwɨl kwaagɔ, sǝ nǝl jenɔ a daa.

1 Korinti 12:6

Maajɨgɔ wo nǝn dʌmʌn, nǝn Kwaama win nǝ ji kwaan maatǝm jinɔ lɛɨ

1 Korinti 15:28

Gǝ nʊ nɨ Kwaama a bǝla kanjǝlɔ gwam a kwaan gǝnɨ, bwɛ nǝn kang gǝn tǝgǝn a bǝla dul gǝnɔ a daa nʊ nɨ a bǝla kanjǝlɔ a mʊgɔ kwaan gǝnɨ. Kwaama nǝn gɔ n dul kanjǝlɔ gwamɨ.

Afisa 2:16

A dɔ kʊm dʊʊm nɨ yoi tag. A mʊrka ji jǝbɔ Kwaama. Ja yǝlam bʊtɔgɔ win a gola kʊʊtǝm a tɨya. A gola nɨɨ, a kalǝm kii nɨ a wʊlaka jii.

Afisa 3:10

Kwaama a maa jʊ nɨ kǝngkɔ sǝ a nʊng yʊlan gǝnɔ nǝn dʌmʌn a daagɔ nʊ nɨ maa fɔlɔn nɛɨ, jǝbɔ nǝblaamɔ a dʌbʌli, a gola mʊrkalɨ nǝb bwangtǝm Kwaamaɨ.

Afisa 3:19

N maa keli mǝʊ jǝ́ nyǝm swɨtǝm nɨ Kiristi maa bǝm lɛɨ, wʊnɨ a laa laaɨ kwaan nyǝmtǝmɨ, sǝ ja yii jen pʌd nǝn yiitǝm Kwaamaɨ.

Afisa 4:10

Nʊ gɔ a gǝlaɨ, nǝn gɔ a gwi fʌlen a dʌbʌl kwama tagɨ, dɨsɔ a yii dʌbʌlɔ jǝbɔ tǝmɔ gwam.)

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

Afisa 4:13

Jʊ nɨ nǝn gɔ ja kǝga lɛ ba la nǝn bǝn a mʊrkalɨ win a nǝtǝm bɨlǝngkɛl a Bʊla Kwaamaɨ, jǝbɔ nyǝmtǝm gǝnɨ, bǝ yǝlam nǝfitʌm dangǝn, bǝ yǝlam nǝn yiitǝm na Kiristi.

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Kolosii 2:19

A mʊrka bɔ a daa Kiristi woi wʊnɨ nǝn gɔ n duli. N daa gǝ woi bʊtɔgɔ gwam nya jǝ nyan nɛɨ, wʊnɨ a mʊrka a gola jinʌn jǝbɔ nʌl bʊtɔɨ, dʊʊl lɛ nǝn kwaan Kwaamaɨ.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Kolosii 3:15

Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.