Afisa 1:19 - Dadiya NT

¹⁹ N maa keli tag sǝ jǝ́ nyǝm dʊʊlǝn kwaan gǝnɔ nɨ mɨ kiyotǝm woi, wʊnɨ maa lɛ a kʊm bǝnɨ, bǝn nɨ bǝ nǝ bɨlǝngkɛlɨ. Wʊnɨ nǝn gɔ kwaan fɔlɔn gǝnɔ gɔ win,

Afisa 1:19 ပူးပေါင်းရင်းမြစ်များ

Yohana 3:6

Jʊ nɨ nǝfili a bʌi, n bʊtɔ bǝn. Jʊ nɨ Yʊwa Kwaamaɨ a bʌi, n yʊwa.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

2 Korinti 4:7

Shilo nɨ nǝn nǝnɨ, gǝ na a mʊgɔ suubʌl boli, sǝ ja nʊng gʌleng kwaan nɨ na a Kwaamaɨ, ke bɔ a nǝn.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Afisa 3:20

Bɛ bǝlátǝmɔ a ta tʌgo gwanggwang a nʊ nɨ dwal maa jʊ nɨ lɛ a shu shui kwaan jʊ nɨ bǝ kel lɛɨ, jǝbɔ jʊ nɨ bǝ bʊʊla lɛɨ, a mʊgɔ kwaan gǝnɔ gǝm, wʊnɨ maa maajɨ lɛ a mʊgɔ nǝl bǝnɨ.

Afisa 3:7

N yǝlam bwɛ jwaalɛ a maajɨ kiyotǝm fulon kɛl lǝmɨ nɨ, a dul lǝma nɨ Kwaama a nɨ ɨɨ, a gola kwaan gǝnɨ, kwaan gǝnɔ nɨ maa maajɨ lɛ a bʊtɔ mɨɨ.

Afisa 6:10

A dɨltǝmɔ gǝm, bɛ jǝ́ ya kwaanɔ a daagɔ Tɛlalɔ woi jǝbɔ mʊgɔ kwaan dʊʊn gǝnɔ.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Kolosii 1:29

N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.

1 Tasalonikaɨ 1:5

Jʊ a bwɨ nǝn nyǝm nyɨɨ, fulon kɛl lǝmɨ nǝnɔ n ke bɔ kɛl kwaagɔ a bɛ jemi, a bɛ nǝn kwaan fɔlɔn jǝbɔ Yʊwa Kwaamaɨ, jǝbɔ jǝlatǝm nɨ mɨsɔ dɨ lɛ woi. Jǝ́ nyǝm yɨm nɨ nǝn yɨ a kʊm jeni, n kɛl dul jen, sǝ a tɨka jen.

2 Tasalonikaɨ 1:11

N kɛl nɨ kwangkwang nǝn maa jem keli lɛɨ. Bɛ Kwaama bǝnɔ a dǝg jǝ́ yii jotǝm gǝnɔ. Bɛ kwaan gǝnɔ a tɨka jen jǝ́ maa kanjǝl nyanɔ gwam wʊnɨ jǝ́ ya nǝl maatǝmɔ lɛɨ. Bɛ ga tɨka jen jǝ́ maa jʊ nǝtǝm bɨlǝngkɛl jenɔ dǝg jen nɛɨ, jǝ́ maa jʊ jǝ́ swɨ lɛ jǝ́ maaɨ.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!