Afisa 1:17 - Dadiya NT

¹⁷ N tɨtǝn keltǝm Kwaama Tɛlalɔ bǝn Yesu Kiristii, Tɛtɛ Nǝ dʊʊlǝn, a nǝ jen Yʊwa nɨ nǝ yʊlan nɛ jǝbɔ nʊngtǝm a nyǝmtǝm Kwaamaɨ.

Afisa 1:17 ပူးပေါင်းရင်းမြစ်များ

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 16:17

Nǝngɔ Yesu a sʊwa gǝn gɔ, “Saminu bʊla Yunanaɨ, bɛ Kwaamagɔ a nǝ ń bwili. Ke bɔ nǝfili a nǝ ń kwaan nyǝmtǝm jʊ nɨɨ, Tɛtɛ mɨ nɨ a kwamaɨ nǝn gɔ a nʊng ń nɨ.

Matta 20:33

Nǝngɔ ja sʊwa gǝn gɔ, “Tɛlalɔ, nǝn swɨ lɛ nǝn kuwo daa.”

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Luka 12:12

Yʊwa Kwaamaɨ mɛla jem mɛla jʊ nɨ jǝ́ sʊwa ji lɛ a kwama gɨɨ.”

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 14:26

Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Yohana 16:3

Nǝbɔ maa jem maa jʊ nɨ, jʊ a bwɨɨ ja nyǝm bɔ Kwaamagɔ, ja nyǝm ɨ bɔ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

Maajɨ Bɛtɔ Twamagɨɨ 7:2

Nǝngɔ Istifanus a sʊwa ji gɔ, “Jǝ́ kɛtǝlam mǝndɨ jǝbɔ tɛtǝlam mɨɨ, jǝ́ nyʊwa ɨ. Kwaama nǝ dʊʊlǝnɔ a nʊng dul gǝnɔ a daa tʊga bǝn Ibrahim woi, nǝn kwama nɨ gɔ a tǝm Bagadazaɨ, nǝn kwama gɔ lǝga bɔ ga yɨ a Haranɨ.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 15:6

dɨsɔ jǝ́ dʊʊl Kwaama, wʊnɨ nǝn Tɛtɛ Tɛlalɔ bǝn Yesu Kiristii, bʊʊlalɨ jenɔ win, nyiyogɔ win.

1 Korinti 12:8

A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag.

1 Korinti 14:6

Kambɔ, na n bɛ jem mǝ sʊwa kɛl lɛ nǝn kaam nyiyoi, n wɛ maa jem lɛɨ, na mǝ bɛ jem bɔ nǝn jʊ Kwaama a nʊng ɨɨ jǝbɔ nyǝmtǝm jǝbɔ kuwotǝmkǝga jǝbɔ mɛlalɨ kɛl Kwaamaɨ?

1 Korinti 2:10

Nǝbǝn Kwaama a nʊng bǝn a gola Yʊwaɨ, jʊ a bwɨɨ Yʊwagɔ nǝn gɔ saa kanjǝlɔ lɛ gwamɨ, jǝbɔ kanjǝl nɨ a tushi tushii a Kwaamaɨ.

1 Korinti 2:8

A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn.

2 Korinti 12:1

Jǝ́ sɨna mɨ gɔ n maa lɨyal. Lɨyal nɨ a sʊ mɨ bɔ kaa jǝl. Mǝ ja ja kǝga nǝn dʊgam nyangnyang jǝbɔ kanjǝlɔ Tɛlalɔ a nʊng ɨɨ.

Afisa 1:3

Bɛ bǝlátǝmɔ a ta tʌgo gwanggwang a daagɔ Kwaama woi, Tɛtɛ Tɛlalɔ bǝn Yesu Kiristi, wʊnɨ a nǝ bǝn bwili Yʊwagɔ gwam a dʌbʌli, a mʊgɔ Kiristii.

Afisa 3:5

a wʊnɨ a yooli nɨ galɨgǝn a sʊwa bɔ nǝfitʌm woi, kanga kǝngkɔ a nʊng bɛtɔ twama sagsagɔ jǝbɔ nǝbkuwotǝmkǝgagɔ a gola Yʊwaɨ.

Afisa 4:13

Jʊ nɨ nǝn gɔ ja kǝga lɛ ba la nǝn bǝn a mʊrkalɨ win a nǝtǝm bɨlǝngkɛl a Bʊla Kwaamaɨ, jǝbɔ nyǝmtǝm gǝnɨ, bǝ yǝlam nǝfitʌm dangǝn, bǝ yǝlam nǝn yiitǝm na Kiristi.

Filibii 3:15

Gwam bǝnɔ nɨ bǝ yǝlam nǝfitʌm a mʊgɔ bwangtǝmɨ, bɛ bǝ bʊʊla nǝn kanjǝl nɨ nyɔ. Na jǝ́ jǝla bɔ nǝn kaam kanjǝl nɨɨ, Kwaama nʊng jen nʊng jʊ nɨ dǝngdǝngɨ.

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Yakubu 2:1

Kɛtǝlam mɨ, ka jǝ́ nʊng lɛ swɨtǝm dul a kʊm jen, jʊ a bwɨɨ jǝ́ kwɛl jǝ́ ya nǝtǝm bɨlǝngkɛl jenɔ a daagɔ Tɛlalɔ bǝn Yesu Kiristi woi, nʊ nɨ nǝn Tɛlalɔ Nǝ dʊʊlǝnɨ.

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

Dʊgam Nyangnyang 7:12

Jǝ sʊwa lɛ gɔ, “A daa nyɔ! Bǝlátǝmɔ jǝbɔ gungtǝmɔ jǝbɔ nyǝmtǝmɔ jǝbɔ buutǝm kangɔ jǝbɔ dʊʊlǝnɔ jǝbɔ fɔlɔnɔ jǝbɔ kwaanɔ bɛ a ta tʌgo gwanggwang a daa Kwaama bǝnɔ woi, mɨ dɨltǝm wo! A daa nyɔ!”