Afisa 1:11 - Dadiya NT

¹¹ N daagɔ Kiristi woi, Kwaama a jǝg bǝn bǝ yǝlam nǝb gǝnɨ, a kwɛl a maa fɛkalɨ nɨ nǝn tɨkǝga. Nǝn gɔ gǝ maa jʊtǝb nɨ lɛ gwam a swɨtǝm gǝnɨ,

Afisa 1:11 ပူးပေါင်းရင်းမြစ်များ

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 2:23

Yesu nɨ, ja nǝ gǝn a kang jeni kanga Kwaama a fɛkam nǝn nyǝmtǝm gǝn nǝn tɨkǝgaɨ, jǝ́ kʊʊ gǝn, jǝ́ jʌ gǝn, a kang nǝb bwɨlamɨ.

Maajɨ Bɛtɔ Twamagɨɨ 20:27

jʊ a bwɨɨ mǝ ta bɔ sǝ n sʊwa jen kɛl Kwaamaɨ gwam.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 4:28

Ja mʊrka sǝ ja maa kanjǝl nɨ gwam wʊnɨ mʊ fɛkaɨ, wʊnɨ bwɨ lɛɨ, a dul kwaan mʊnɔ jǝbɔ bʊʊlalɨ mʊnɨ.

Roma 11:34

“Nuwo a nyǝm nǝl Tɛlalɔɨ woi? Nuwo a sʊ gǝm yʊlan woi?”

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

Galatiya 3:18

Na na bǝ nya bwilitɨn Kwaamaɨ a gola bwangtǝm diili, na mɨsɔ bǝ nya lɛ a gola swatǝm yaa. Kwaama a nǝ Ibrahim bwili nɨ a gola swatǝm yaa.

Afisa 1:14

Wʊnɨ nǝn gɔ swatǝm yaa kʊla bǝnɨ sǝ ba la nǝn kwama nɨ Kwaama jǝg nǝb gǝnɔ lɛɨ, sǝ bǝ bǝlá gǝn, bǝ dʊʊl gǝn.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 1:5

a jǝla a do bǝn sǝ bǝ yǝlam bɛtɔ lɔ gɨɨ a gola Yesu Kiristii. N jʊ swɨ lɛɨ, a nǝ gǝn fulotǝm nǝl.

Afisa 1:8

wʊnɨ a tal bǝm a lada jǝbɔ yʊlan jǝbɔ nyǝmtǝmɨ.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

Afisa 3:11

Kwaama a maa fɛkalɨ nɨ a gola Kiristi Yesui, Tɛlalɔ bǝn, nǝngɔ la a fwal yooligɨɨ.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Kolosii 3:24

Nǝn Tɛlalɔ Kiristi jǝ́ maa gǝm maajɨ lɛɨ! Jǝ́ nyǝm Tɛlalɔ nǝ jen nǝ kʊla maajɨ jenɔ jǝ́ maaɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

Ibranii 6:17

Kwaama tǝgǝn swɨ lɛ a nʊng nǝbɔ jʊ nɨ gǝ maa swatǝm yaa mɨsɔ gǝ fʌto lɛ woi, gǝ nʊng nǝn wɛɛlɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 1:4

N jʊ a bwɨ bǝ nya kʊla nɨ mɨsɔ bʊla lɛ woi, mɨ kalatǝm woi, mɨsɔ dumo lɛ wo tagɨ, wʊnɨ ja ya jem a dʌbʌli,

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.