Maajɨ Bɛtɔ Twamagɨɨ 9:39 - Dadiya NT

³⁹ Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

Maajɨ Bɛtɔ Twamagɨɨ 9:39 ပူးပေါင်းရင်းမြစ်များ

Matta 17:17

Nǝngɔ Yesu a jǝla ji gɔ, “Jǝ́ nǝbɔ kal nɨɨ, mɨ jen nǝn nǝtǝm bɨlǝngkɛl, jǝ́ nǝb bwɨlan, naa nyǝn mǝ yɨ lɛ nǝbɔ jeni, naa nyǝn mǝ kʊ nǝl lɛ nǝn jeni? Jǝ́ bɛ mɨ nǝn bwɛ balɨ nɨ fɔ.”

Matta 26:11

Nǝb bʊnǝnɔ jǝ na jǝbɔ jen kwangkwang. N ke bɔ kwangkwang mǝ dakini nǝbɔ jeni.

Markus 14:8

A maa jʊ dwal lɛ a maaɨ. A tal mɨ nwang a bʊtɔ sǝ a fɛka fʌltǝm mǝndɨ.

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Yohana 12:8

Nǝb bʊnǝnɔ kwangkwang jǝbɔ jen. Ke bɔ kwangkwang mǝ nǝbɔ jeni.”

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Maajɨ Bɛtɔ Twamagɨɨ 1:13

Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Maajɨ Bɛtɔ Twamagɨɨ 6:1

A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.

Maajɨ Bɛtɔ Twamagɨɨ 8:2

Kaam nǝb bwangtǝm Kwaamaɨ ba fʌl Istifanus. Ja ji wi bwaa gǝnɔ dangǝn.

Maajɨ Bɛtɔ Twamagɨɨ 9:41

Nǝngɔ Bitrus a mal kang a tɨka gǝn a guni. Nǝngɔ a jo nǝb bwangtǝm Kwaamaɨ jǝbɔ nɔɔtǝmkʊlabɔ, a nǝ ji gɔ nǝn dʊʊmɨɨ.

2 Korinti 8:12

Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

1 Timoti 5:3

Bɛ ń nǝ nɔɔtǝmkʊlabɔ dʊʊn, nǝb nɨ mɨ nǝn nǝb tɨkalɨ.

1 Timoti 5:5

Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

1 Yohana 3:18

Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.