Maajɨ Bɛtɔ Twamagɨɨ 9:21 - Dadiya NT

²¹ Nǝb nɨ gwam a nyʊwa gǝnɨ, ja ta kang a nyiyo. Jǝ sʊwa lɛ gɔ, “Wʊnɨ, ke bɔ nʊ a jʌbo, a kwɨ nǝb nɨ maa keli lɛ nǝn dun nɨ a Urushalimaɨ ka? Kɛna a bɛ fɔ sǝ a bwaba ji, sǝ a yɔ nǝn ji a daagɔ dʊʊm nǝbkǝlamɔ woi?”

Maajɨ Bɛtɔ Twamagɨɨ 9:21 ပူးပေါင်းရင်းမြစ်များ

Maajɨ Bɛtɔ Twamagɨɨ 2:12

Ja ta kang a nyiyo, dul jinɔ a bwam, jǝ sʊwaka lɛ a bʊtɔ ji gɔ, “Jʊ nɨ gǝ nʊng wɛ?”

Maajɨ Bɛtɔ Twamagɨɨ 2:6

Nǝn kwama ja nyʊwam diil yʊwa nɨɨ, nǝngɔ ja mʊrkaɨ. Dul jinɔ a bwam, jʊ a bwɨɨ, pʌd jinɔ ja nyʊwa nǝbɔ sʊwa kɛlɔ lɛ nǝn nyiyo tuulɔ jinɔ.

Maajɨ Bɛtɔ Twamagɨɨ 3:10

Ja nyǝm gɔ nǝn gɔ gǝ yɨ lɛ a nyanga lɔng Kan Kwaaman nɨ jǝ jo lɛ gɔ Bʊmɨ gǝ maam keli lɛɨ. Nǝngɔ ja ta kang a nyiyo nǝn jʊ nɨ a bwɨ jǝbɔ gɨɨ.

Maajɨ Bɛtɔ Twamagɨɨ 4:13

Nǝn kwama dʊʊm nǝbɨɨ a kuwo bɨtǝm nǝl Bitrusi jǝbɔ Yohanaɨ, ja nyǝm jǝ ke bɔ nǝb nyǝmtǝm, jǝ nǝb nǝn kwan, nǝngɔ ja ta kang a nyiyoi. Ja nyǝm tag jǝ na dakini jǝbɔ Yesu galɨgǝn.

Maajɨ Bɛtɔ Twamagɨɨ 7:59

Kanga nɨ jǝ mala Istifanus lɛ nǝn tatǝnɨ, nǝngɔ a maa keligɨɨ gɔ, “Tɛlalɔ Yesu, yo kʊlɨ mǝndɨ.”

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.

Maajɨ Bɛtɔ Twamagɨɨ 9:22

Shawulu a sʊtǝn nyatǝm kwaanɔ. Gung nǝl Yahudawa nɨ lɛ jǝ yǝm a Dimaskaɨ. Sʊwa ji lɛ yǝlɨgǝn gɔ, Yesu nǝn gɔ nǝn Kiristii.

2 Tasalonikaɨ 1:10

Nǝn di nɨ bɛm lɛɨ, nǝb sagsag gǝnɔ jǝ dʊʊl gǝn dʊʊl. Gwam nǝb nǝtǝm bɨlǝngkɛlɔ jǝ ta ta kang a nyiyo a kɔkɔ gɔ, jʊ a bwɨɨ, jǝ́ nǝ bɨlǝngkɛl nǝn nǝtǝm nyiyogɔ nǝn maa jemi.

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.