Maajɨ Bɛtɔ Twamagɨɨ 9:2 - Dadiya NT

² a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.

Maajɨ Bɛtɔ Twamagɨɨ 9:2 ပူးပေါင်းရင်းမြစ်များ

Matta 10:17

“Bɛ jǝ́ kɨla nǝbɔ, jǝ yɔ yɔ nǝn jen a kǝga nǝb dʊʊm koteregɨɨ, ja tʊm jen nǝn banjangɨ a kan mɛlalɨ jin.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Maajɨ Bɛtɔ Twamagɨɨ 18:25

Ja mɛla gǝm a mʊgɔ gola Tɛlalɔɨ. Mɨ nǝn fiyel a mʊgɔ kɛl. Gǝ mɛla mɛla bɨlǝngkɛl nyangǝn a dul Yesui. A nyǝm yʊtǝm mwɛ sagsag Yohanaɨ kwaagɔ.

Maajɨ Bɛtɔ Twamagɨɨ 19:23

A kwama gɔ ja maa gʌleng kutʌm a dul Gola nɨ gǝm.

Maajɨ Bɛtɔ Twamagɨɨ 19:9

A kaamɨ a nʊng kwamǝn dul, ja kɔ nǝtǝm bɨlǝngkɛl. Jǝ sʊwala kɛl bwɨlantɨn nɛ a kǝga nǝbɨɨ a dul Gola Tɛlalɔɨ. N dul kɛl nɨ Bulus a bǝla jii, a shu jǝbɔ nǝb bwangtǝmɨ, maa mɛlalɨ lɛ kum jǝbɔ kum a gǝlalantal Tiranusi.

Maajɨ Bɛtɔ Twamagɨɨ 24:14

“Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 24:22

Filikus gwamnagɔ a nyǝm kanjǝlɔ a gǝlala a gola Yesui, nǝngɔ a tɨ nǝn ji gɔ, “Bǝ yam Lisiyas dalɨ dʊʊ sʊwajaamɔ a bɛ dɨn sǝ n biyo jem borangɔ.”

Maajɨ Bɛtɔ Twamagɨɨ 26:10

N maa nyɔ a Urushalima. N nya fɔlɔn a daa dʊʊm nǝbkǝlamɔ woi, sǝ n kubʌl nǝb sagsagɔ a lada a lɔsomi. Kwama nɨ jǝ jʌm ji lɛɨ, mǝ bwa jim bwa guu.

Maajɨ Bɛtɔ Twamagɨɨ 26:12

“A mʊgɔ maatǝmɔ nyɨɨ, kaa di mǝ a mʊgɔ yɔm a Dimaska. Dʊʊm nǝbkǝlamɔ a nɨ ɨ fɔlɔn jǝbɔ langǝn bwangǝn kwaan.

Maajɨ Bɛtɔ Twamagɨɨ 6:9

Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ.

Maajɨ Bɛtɔ Twamagɨɨ 7:19

Fɔlɔ nɨ a wul nǝbam bǝnɔ. A nǝ tʊgalam bǝnɔ gaalan. A dǝg gɔ ja tǝlam bɛtɔ fetʌn jinɔ, kage ja bʊʊ.

Maajɨ Bɛtɔ Twamagɨɨ 9:14

Wɔ tag dʊʊm nǝbkǝlamɔ a nǝ gǝn fɔlɔn tatǝm nǝb nɨ gwam maa keli lɛ nǝn dun mʊnɨ.”

Maajɨ Bɛtɔ Twamagɨɨ 9:21

Nǝb nɨ gwam a nyʊwa gǝnɨ, ja ta kang a nyiyo. Jǝ sʊwa lɛ gɔ, “Wʊnɨ, ke bɔ nʊ a jʌbo, a kwɨ nǝb nɨ maa keli lɛ nǝn dun nɨ a Urushalimaɨ ka? Kɛna a bɛ fɔ sǝ a bwaba ji, sǝ a yɔ nǝn ji a daagɔ dʊʊm nǝbkǝlamɔ woi?”

2 Korinti 11:32

A Dimaska, gwamna wʊnɨ a tǝm jǝbɔ fɔlɔ Aretisi, a ya nǝb tɔɔtǝm nyanga tuulɔ Dimaskagɔ, dɨsɔ ja ta ɨ.

Galatiya 1:17

Mǝ yɔ bɔ a Urushalima a daagɔ nǝb nɨ a laa ɨ yǝlamtǝm bɛtɔ twamaɨ. Jʊ mǝ maaɨ, mɨ tatǝm bʊtɔ wo, nǝngɔ mǝ shu a tǝm Larabawagɨɨ, nǝngɔ la mǝ yǝla mǝ bɛ a Dimaskaɨ.