Maajɨ Bɛtɔ Twamagɨɨ 8:12 - Dadiya NT

¹² Nǝn kwama ja nyʊwam fulon kɛl lǝmɨ nɨ Filibus a sʊwa ji a dul fɔlɔn lɔ Kwaamaɨ jǝbɔ dun Yesu Kiristii, nǝngɔ gwam jinɔ ja yʊ ji mwɛ sagsagɨɨ, batǝm jǝbɔ nɔɔtǝm.

Maajɨ Bɛtɔ Twamagɨɨ 8:12 ပူးပေါင်းရင်းမြစ်များ

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Luka 9:2

A twam ji sǝ ya ja kiyo fulon fɔlɔn lɔ Kwaamaɨ, ya ja gung nǝb bɔɔlamɔ lɛɨ.

Luka 9:60

Nǝngɔ a sʊwa gǝn gɔ, “Bǝla bʌlʌntɨnɔ ya fʌl bʌlʌn jinɔ. A mʊnɔ ya sʊwa nǝbɔ fulon fɔlɔn lɔ Kwaamaɨ.”

Maajɨ Bɛtɔ Twamagɨɨ 1:3

A gul bwaa gǝnɔ gǝm, a nʊng dul gǝnɔ a golantɨnɔ gǝm nǝn dʌmʌn naagɔ a gǝlala a daa ji woi, sǝ a nʊng ji gɔ, gǝ nǝn kʊlɨ. A maa kumɔ fʊltǝnaal nʊng dul gǝnɔ lɛ. Sʊwa kɛlɔ lɛ a dul kanjǝl fɔlɔn lɔ Kwaamaɨ.

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 18:8

Nǝngɔ Kiribus nǝ dʊʊ kan mɛlalɨgɔ, a nǝ bɨlǝngkɛl a daagɔ Tɛlalɔ woi, gɔ jǝbɔ nǝbɔ lɔ gɨɨ gwam. Kaam nǝbɔ Korintii a lada nyɔ ja nyʊwa kɛl Bulusi, ja nǝ bɨlǝngkɛl. Nǝngɔ ja yʊ ji mwɛ sagsagɨɨ.

Maajɨ Bɛtɔ Twamagɨɨ 19:5

Ja nyʊwa nyɨɨ, nǝngɔ ja yʊ ji mwɛ sagsagɔ a mʊgɔ dun Tɛlalɔ Yesui.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 20:25

“Kǝngkɔ n nyǝm gwam jenɔ mɨsɔ jǝ́ yǝla lɛ jǝ́ kuwo i wo tag, jen nɨ mǝ kɛla lɛ a kʊm jen, mǝ kiyo kɛl fulon fɔlɔn lɔ Kwaamaɨ lɛɨ.

Maajɨ Bɛtɔ Twamagɨɨ 28:31

Ja kaa gǝn bɔ a kiyotǝm kɛl a dul fɔlɔn lɔ Kwaamaɨ, mɛla jim kɛl Tɛlalɔ Yesu Kiristii lɛ kǝga jǝbɔ kǝga, mɨ taal wo.

Maajɨ Bɛtɔ Twamagɨɨ 5:14

Nǝb nǝtǝm bɨlǝngkɛlɔ a daagɔ Tɛlalɔ woi, jǝ bwi lɛ nǝn bɨlǝngǝn, batǝm jǝbɔ nɔɔtǝm.

Maajɨ Bɛtɔ Twamagɨɨ 8:4

Nǝb nɨ a mwal a bǝla Urushalimagɨɨ, jǝ kɛla lɛ, jǝ sʊwa fulon kɛl lǝmɨgɔ lɛ.

Roma 10:10

N nǝl nǝfili gǝ nǝ bɨlǝngkɛl lɛɨ sǝ a yǝlam nǝ dǝngdǝngɨ. N nyiyo nǝfili gǝ sʊwa bwɨlangkɛl gǝnɔ lɛɨ sǝ a nya bʊʊtǝmɨ.

1 Korinti 11:11

A fɛkalɨ Tɛlalɔɨ, ja wʊlaka bɔ nɔɔlɨ jǝbɔ balɨ, ja wʊlaka bɔ balɨ jǝbɔ nɔɔlɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.