Maajɨ Bɛtɔ Twamagɨɨ 8:1 - Dadiya NT

¹ Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

Maajɨ Bɛtɔ Twamagɨɨ 8:1 ပူးပေါင်းရင်းမြစ်များ

Matta 22:6

Kaamɨ a ta bɛtɔ jwaalɛnɔ, ja maa jim bʊgǝn, ja jʌbom ji.

Matta 23:34

Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ.

Matta 5:13

“Nǝjen jǝ́ mam tǝm nɨɨ. Na lǝma mamɔ a dɨmɨ, la jǝ bɛ nǝn lǝma gǝnɔ a fee? Mɨ nǝn bʊmǝn wo tag. Jǝ tǝlam fʌlen sǝ ja falam nǝn naa.

Yohana 15:20

Jǝ́ bʊʊla nǝn jʊ mǝ sʊwa jeni mǝʊ, ‘Bwɛ jwaalɛ mɨ gǝ laa tɛlalɔ gǝnɔ lɛ.’ Na ja nɨ ɨ gaalanɨ, jen tʌjen jǝ nǝ jen nǝ gaalan. Na ja bwangtǝn kɛl mǝndɨ, jǝ bwangtǝn bwang a jenɔ.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 13:36

“Nǝn kwama Dauda a dɨm maajɨgɔ Kwaama a nǝ gǝn a jol gǝnɨ, nǝngɔ a bʊlaɨ. Ja fʌl gǝn jǝbɔ tʊgalam gǝnɔ. A bʊta.

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

Maajɨ Bɛtɔ Twamagɨɨ 22:20

Nǝn kwama ja jʌm Istifanusi, wʊnɨ nǝ nyiyo lɛ a dul mʊnɨ, mǝ nǝn kang mɨ mǝ tɨm wo, n bwa jim guu a jʊ nɨ ja maaɨ. Nǝmǝ mǝ tɔɔ dʊʊl nǝb nɨ lɛ a jʌ gǝnɨ.’

Maajɨ Bɛtɔ Twamagɨɨ 26:10

N maa nyɔ a Urushalima. N nya fɔlɔn a daa dʊʊm nǝbkǝlamɔ woi, sǝ n kubʌl nǝb sagsagɔ a lada a lɔsomi. Kwama nɨ jǝ jʌm ji lɛɨ, mǝ bwa jim bwa guu.

Maajɨ Bɛtɔ Twamagɨɨ 5:18

Nǝngɔ ja gun ba ja taba bɛtɔ twamagɨɨ. Ja tal ji a lɔsomii.

Maajɨ Bɛtɔ Twamagɨɨ 5:20

“Jǝ́ yɔ, ya jǝ́ tɨ a talɨ Kan Kwaaman. Jǝ́ sʊwa nǝbɔ kɛl kʊlɨ nɨ gwam.”

Maajɨ Bɛtɔ Twamagɨɨ 5:33

Nǝn kwama nǝb dʊʊmɔ a nyʊwam kɛl nɨɨ, nǝngɔ ja mɔ nabwɨl nǝn bɨlǝngǝnɨ, jǝ swɨ jʌtǝm bɛtɔ twama nɨ lɛ.

Maajɨ Bɛtɔ Twamagɨɨ 5:40

Nǝngɔ ja jo bɛtɔ twamagɨɨ, ja bʊg ji, ja sʊwa ji gɔ ka ja sʊwa lɛ kɛl nǝn dun Yesui. Nǝngɔ ja dem jim kangɨ.

Maajɨ Bɛtɔ Twamagɨɨ 7:38

Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.

Maajɨ Bɛtɔ Twamagɨɨ 7:54

Nǝn kwama ja nyʊwa jʊ nɨɨ, ja nyʊwa nabwɨl nǝn bɨlǝngǝn. Jǝ kʊʊ nungʌn jinɔ lɛ.

Maajɨ Bɛtɔ Twamagɨɨ 7:58

Ja gʊ gǝn, ja yɔ nǝn gɔ a gulen, jǝ mala gǝn nɛ nǝn tatǝn, jǝ swɨ lɛ ja jʌ gǝn. Nǝngɔ nǝb dʌngi nugɔ a ya dwangtɨn jinɔ a daa kaa bwayǝlɨ woi, dun gǝnɔ nǝn Shawulu.

Maajɨ Bɛtɔ Twamagɨɨ 8:14

Nǝn kwama bɛtɔ twama nɨ a Urushalimaɨ a nyʊwa nǝbɔ Samariyaɨ a yo kɛl Kwaamaɨ, nǝngɔ ja twam jim Bitrus jǝbɔ Yohanaɨ.

Maajɨ Bɛtɔ Twamagɨɨ 8:2

Kaam nǝb bwangtǝm Kwaamaɨ ba fʌl Istifanus. Ja ji wi bwaa gǝnɔ dangǝn.

Maajɨ Bɛtɔ Twamagɨɨ 8:4

Nǝb nɨ a mwal a bǝla Urushalimagɨɨ, jǝ kɛla lɛ, jǝ sʊwa fulon kɛl lǝmɨgɔ lɛ.

Maajɨ Bɛtɔ Twamagɨɨ 8:5

Filibus a shu a kaa tuulɔ a Samariya sʊwa ji fulon kɛl lǝmɨ Kiristii lɛ.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Roma 1:32

Nǝb nɨ a kwɛl a nyǝm diil Kwaamaɨ nɨ a sʊwa gɔ, nǝb nɨ maa kanjǝl nɨ lɛɨ, bʊmǝn jinɔ n bwaa. Ke bɔ tɨtǝm nǝn maatǝm kanjǝl nɨ kwaagɔ, jǝ bwa nǝb maatǝmɔ gǝm guu tag.

Filibii 1:12

Kambɔ, mǝ swɨ lɛ jǝ́ nyǝm, kanjǝl nɨ a bwɨ nǝn mɨɨ, nǝn gɔ a bɛ nǝn watǝm fulon kɛl lǝmɨgɨɨ.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.