Maajɨ Bɛtɔ Twamagɨɨ 7:56 - Dadiya NT

⁵⁶ Nǝngɔ Istifanus gɔ, “Dʌng, n kuwo dʌbʌlɔ a wumo, jǝbɔ Bʊla Nǝlɨ tɨm a kang jajǝng Kwaamaɨ.”

Maajɨ Bɛtɔ Twamagɨɨ 7:56 ပူးပေါင်းရင်းမြစ်များ

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 3:16

Kwama Yohana a yʊm Yesu mwɛ sagsagɨɨ, kanga gǝ jel lɛ a mʊgɔ mwɛmɔ gǝmɨ, nǝngɔ dʌbʌl kwamagɔ a wumoi, nǝngɔ a kuwo Yʊwa Kwaamaɨ gǝla lɛ a dul gǝn na kumfiyoi, a gǝla a yɨ a dul gǝnɨ.

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Markus 1:10

Kwama nɨ Yesu jelʌm lɛ a mʊgɔ mwɛɨ, nǝngɔ a kuwo kwamagɔ a wumoi, a kuwo Yʊwa Kwaamaɨ gǝla lɛ na kumfiyo a dul gǝnɨ.

Luka 3:21

Kwama nɨ ja yʊm nǝbɔ mwɛ sagsagɔ gwamɨ, nǝngɔ la ja yʊ Yesu tǝgǝnɨ. Maa keligɔ lɛɨ, nǝngɔ dʌbʌlɔ a wumoi.

Yohana 1:51

Nǝngɔ a sʊwa gǝn gɔ, “N bɨlǝngkɛl mǝ sʊwa jen nɛɨ, jǝ́ kuwo kuwo dʌbʌl kwamagɔ a wumo, bɛtɔ twama Kwaamaɨ gǝla lɛ kaamɨ gwi lɛ a dul Bʊla Nǝlɨ.”

Maajɨ Bɛtɔ Twamagɨɨ 10:11

A kuwo dʌbʌlɔ a wumo, kaa jǝl gǝla lɛ na dalɨ dwang kwabtǝm, jǝ shig lɛ a tǝm, kanǝnɔ naal.

Maajɨ Bɛtɔ Twamagɨɨ 10:16

Jʊ nɨ a bwɨ naagɔ taal. Nǝngɔ la ja gʊm jʊgɔ ja shu nǝn a dʌbʌli.

Maajɨ Bɛtɔ Twamagɨɨ 7:57

Nǝngɔ ja tǝl matǝm bwaalɨgɨɨ, ja mǝlalam lɔl jinɔ. Gwam jinɔ ja gun tʌgo a gǝ gǝm.

Dʊgam Nyangnyang 11:19

Nǝngɔ ja wum Kan Kwaaman Kwaamaɨ wʊnɨ a dʌbʌl kwamaɨ. Ja kuwo kwaati swatǝm yaa gǝnɔ a mʊgɔ Kan Kwaamanɨ. Kwamagɔ beta lɛ, kunnyiyogɔ ga lɛ, diilɔ mwɛla lɛ, tǝmɔ mǝga lɛ, daltɔ tɛl kwamanɔ tǝla lɛ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.

Dʊgam Nyangnyang 4:1

A gul jʊ nɨ mǝ yǝla mǝ dʌngi, nǝngɔ mǝ kuwo kaa nyanga kan a wumo wumoi a dʌbʌl kwamaɨ. Diil nɨ mǝ nyʊwa nǝn tɨkǝga wʊnɨ a maa na guutǝm jumi a sʊwa ɨ gɔ, “Gwi fɔ, sǝ n nʊng ń jʊ nɨ bwɨ lɛ a gul nɨ gǝmɨ.”