Maajɨ Bɛtɔ Twamagɨɨ 7:38 - Dadiya NT

³⁸ Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.

Maajɨ Bɛtɔ Twamagɨɨ 7:38 ပူးပေါင်းရင်းမြစ်များ

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Maajɨ Bɛtɔ Twamagɨɨ 7:30

“Nǝn kwama jolɔ fʊltǝnaal a shui, kaa bwɛ twama Kwaamaɨ a nʊng dul gǝnɔ a daa Musa woi a ben kǝla wʊnɨ twɨ lɛ a kaa kʊm tɨyaɨ, a kuul Yem Sinaii.

Maajɨ Bɛtɔ Twamagɨɨ 7:35

“Musa nɨ ja kɔɨ, ja sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borangɨ?’ N nʊ Kwaama a twam sǝ a yǝlam nǝ dʊʊ jǝbɔ nǝ jǝgtǝm a gola tɨkalɨ bwɛ twama Kwaamaɨ nɨ a nʊng dul gǝnɔ a daa gǝ woi a kʊm bɛ tɨya nɨɨ.

Maajɨ Bɛtɔ Twamagɨɨ 7:53

Nǝjen jǝ́ yo diilɔ a daagɔ bɛtɔ twama Kwaamaɨ woi, jǝ́ bwangtǝn bɔ.”

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

Roma 9:4

Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.

Galatiya 3:19

N wɛ a bwɨ Kwaama a nǝ diili? A sʊ diilɔ sǝ a nʊng jʊ nɨ n bwɨlangkɛlɨ a talɨ, sǝ a yɔ nǝn a kwama nɨ dʊʊm Ibrahimi bɛm lɛɨ, wʊnɨ n dul gǝn a maa swatǝm yaa nɨɨ. Diil nɨ bɛtɔ twama Kwaamaɨ a nǝ Musa, nʊ nɨ a tɨbǝl Kwaamaɨ jǝbɔ nǝbɨɨ.

Ibranii 2:2

Kɛl nɨ ja sʊwa a nyiyo bɛtɔ twama Kwaamaɨ, n diil. Nǝb nɨ gwam a kɔ nyʊwatǝmɔ, ja bwangtǝn bɨɨ, ja mwɛ ji dǝngdǝng a dul jʊ ja maaɨ.

Ibranii 4:12

Kɛl Kwaamaɨ nǝn kʊlɨ, maa maajɨ lɛ dangǝn. A laa tɔɔgɔ nyiyogɔ yoi jalǝng. Gǝ dɔ dɔ kʊlɨ jǝbɔ mʊgɔ nǝl, jǝbɔ kuto a yɔ nǝn a mʊgɔ fiim. Gǝ nʊng nʊng bʊʊlalɨ nǝlɨ jǝbɔ jʊ swɨ lɛɨ.

Ibranii 5:12

Kǝngkǝnɨ na a bʊm nyɔ jǝ́ yǝlam nǝb mɛlalɨ sul, jǝ́ saa lɛ kaa nǝl a yǝla a mɛla jem kɛltɨn tǝltǝm kɛl Kwaamaɨ tag. Jǝ nǝ jen yʊl, ke bɔ jǝjalǝn nɨ a kwamɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!