Maajɨ Bɛtɔ Twamagɨɨ 6:5 - Dadiya NT

⁵ Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn.

Maajɨ Bɛtɔ Twamagɨɨ 6:5 ပူးပေါင်းရင်းမြစ်များ

Matta 23:15

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.

Maajɨ Bɛtɔ Twamagɨɨ 11:19

Nǝb bwangtǝmɔ a kwɨya tǝmɔ nǝn kwan a dul gaalan nɨ a gun a dul jʌtǝm Istifanusi. Kaamɨ a shu a tǝm Finikiya, jǝbɔ Sayifurus tǝmɔ a tɨbǝl wɨmaɨ, jǝbɔ tuulɔ Antakiya. Jǝ sʊwa kɛl Kwaamaɨ lɛ, jǝ sʊwam ka Yahudawa kwaaji.

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 11:22

Nǝngɔ fulon kɛl nɨ a bwɨ a Antakiyaɨ, a dɔ lɔl mʊrkalɨ nǝb bwangtǝm Kwaamaɨ nɨ a Urushalimaɨ. Nǝngɔ nǝb bwangtǝmɔ a twam Barnaba a Antakiyaɨ.

Maajɨ Bɛtɔ Twamagɨɨ 11:24

Barnaba n nǝ nya. A yii nǝn Yʊwa Kwaamaɨ jǝbɔ nǝtǝm bɨlǝngkɛl. Nǝbɔ a lada a yǝla a bɛ a daagɔ Tɛlalɔ woi.

Maajɨ Bɛtɔ Twamagɨɨ 11:26

Nǝn kwama a nya gǝnɨ, nǝngɔ a yǝla a bɛ nǝn gɔ a Antakiyaɨ. Ja maa jolɔ win jǝ mʊrka lɛ jǝbɔ mʊrkalɨ nǝb bwangtǝm Kiristii. Jǝ mɛla nǝb bwangtǝmɔ gǝm lɛ a lada. Ja tǝl jotǝm nǝb bwangtǝmɔ nǝn dun gɔ, Kirista a Antakiya.

Maajɨ Bɛtɔ Twamagɨɨ 11:27

N kumtɨn nɨ kaam nǝbkuwotǝmkǝgagɔ a jel a Urushalima ja bɛ a Antakiyaɨ.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 21:8

Nǝn tǝmsɛlɨ nǝngɔ nǝn gun nǝn shu a Kaisarɨ. Nǝn dɔ lɔ Filibusi, nǝ kiyotǝm kɛl Kwaamaɨ, wʊnɨ win a mʊgɔ nǝbɔ ja jǝgǝm nʌbʌl sǝ ja tɨka nǝb bwangtǝmɔ a Urushalimaɨ. Nǝngɔ nǝn shig a daa gǝ woi.

Maajɨ Bɛtɔ Twamagɨɨ 22:20

Nǝn kwama ja jʌm Istifanusi, wʊnɨ nǝ nyiyo lɛ a dul mʊnɨ, mǝ nǝn kang mɨ mǝ tɨm wo, n bwa jim guu a jʊ nɨ ja maaɨ. Nǝmǝ mǝ tɔɔ dʊʊl nǝb nɨ lɛ a jʌ gǝnɨ.’

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

Maajɨ Bɛtɔ Twamagɨɨ 6:3

Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ,

Maajɨ Bɛtɔ Twamagɨɨ 6:8

Istifanus a nya yiitǝm nǝn lǝma Kwaamaɨ jǝbɔ kwaan. Maa daltɔ jǝ laatǝm kang lɛ jǝbɔ kanjǝl nɨ nʊng lɛ gɔ Kwaama dakini jǝbɔ gɔ a kʊm nǝbɨɨ.

Maajɨ Bɛtɔ Twamagɨɨ 7:1

Nǝngɔ dalɨ nǝkǝlagɔ a bʌ Istifanus gɔ, “Kanjǝl nɨ n bɨlǝngkɛl ka?”

Dʊgam Nyangnyang 2:15

A na nyɔ kaamɨ a kʊm jen n nǝb bwangtǝm mɛlalɨ Nikolatawaɨ.

Dʊgam Nyangnyang 2:6

A mʊnɔ ń maa dǝngdǝng mʊ kɔ maajɨ Nikolatawaɨ, wʊnɨ mǝ tǝmɨ mǝ kɔɨ.