Maajɨ Bɛtɔ Twamagɨɨ 5:18 - Dadiya NT

¹⁸ Nǝngɔ ja gun ba ja taba bɛtɔ twamagɨɨ. Ja tal ji a lɔsomii.

Maajɨ Bɛtɔ Twamagɨɨ 5:18 ပူးပေါင်းရင်းမြစ်များ

Matta 4:12

Yesu a nyʊwa fulon kubʌltǝm Yohanaɨ a lɔsomii, nǝngɔ a yǝla a bɛ a mʊgɔ Galilii.

Luka 21:12

“Sǝla kanjǝl nɨ a bwɨ gwam, jǝ taba jen taba, ja nǝ jen gaalan. Jǝ yɔ yɔ nǝn jen a kǝga kantɨn mɛlalɨ sǝ ja maa jem borang. Ja kubʌl jen a lɔsomi. Jǝ yɔ yɔ nǝn jen a kǝga fɔlɔlɔmɨ jǝbɔ kǝga nǝb dʊʊm a kɛl dun mɨ.

Maajɨ Bɛtɔ Twamagɨɨ 4:3

Nǝngɔ ja ta ji ja kubʌl jii, a bɛ nǝn a tǝmsɛltǝmɨ, jʊ a bwɨɨ kwamagɔ a dɔ.

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

Ibranii 11:36

Kaamɨ a nya mogtǝm jǝbɔ banjangɨ, ja bwa ji ja mal a lɔsomi.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.