Maajɨ Bɛtɔ Twamagɨɨ 5:12 - Dadiya NT

¹² Bɛtɔ twamagɔ a maa kanjǝl nʊngtǝm jǝbɔ jǝ laatǝm kang a gǝlala a kʊm nǝbɨɨ. Nǝb bwangtǝmɔ gwam gǝ mʊrka mʊrka a lʌbo Sulemanui a talɨ Kan Kwaaman.

Maajɨ Bɛtɔ Twamagɨɨ 5:12 ပူးပေါင်းရင်းမြစ်များ

Markus 16:20

Bɛtɔ mɛlalɨ gǝnɔ ja jel ja shu, jǝ kiyo fulon kɛl lǝmɨ gǝnɔ lɛ a daatɨnɔ gǝm gwam. Tɛlalɔ maa maajɨ lɛ jǝbɔ ji, nʊng bɨlǝngkɛl jinɔ lɛ a kanjǝl jǝ laatǝm kang nɨ sǝ a nʊng jʊ ja sʊwaɨ, n bɨlǝngkɛl.

Yohana 10:23

Yesu kɛla lɛ a lʌbo Sulemanui nɨ a mʊgɔ talɨ Kan Kwaamanɨ,

Yohana 4:48

Nǝngɔ Yesu a sʊwa gǝn gɔ, “Na jǝ́ kuwo bɔ kanjǝl nʊngtǝm jǝbɔ jǝ laatǝm kangɨ, mɨsɔ jǝ́ nǝ bɨlǝngkɛl lɛ.”

Maajɨ Bɛtɔ Twamagɨɨ 1:14

Nǝb nɨ gwam ja nǝ dul jinɔ a maatǝm keli, bʊʊlalɨ jinɔ win, jǝbɔ kaam nɔɔtǝm, jǝbɔ Maryamu nɛnɛ Yesui, jǝbɔ kaam kɛtǝlam gǝn.

Maajɨ Bɛtɔ Twamagɨɨ 14:3

A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.

Maajɨ Bɛtɔ Twamagɨɨ 16:18

A tɨtǝn maatǝmɔ nyɔ kumtɨnɔ a gǝlala. Nǝngɔ Bulus a nyʊwa nabwɨlɨ, a yǝla a sʊwa bwɛlaa nɨ gɔ, “N sʊwa ń a mʊgɔ dun Yesu Kiristii, bǝla gǝn.” A tʌgo a kang nǝngɔ a bǝla gǝnɨ.

Maajɨ Bɛtɔ Twamagɨɨ 19:11

Kwaama a maa kaam daltɔ kanjǝl laatǝm kang a gola Bulusi,

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 28:9

Jʊ nɨ a bwɨ nyɨɨ, nǝngɔ tangǝn nǝb nɨ mɨ kwamɨgǝnɨ a tǝm nɨ a tɨbǝl wɨmaɨ jǝ bɛ lɛɨ, gung ji lɛɨ.

Maajɨ Bɛtɔ Twamagɨɨ 3:11

Nǝn kwama nʊ nɨ naagɔ a swam swamɨ, nʊ nɨ ja gung a nyanga lɔng Kan Kwaaman nɨ jǝ jo lɛ gɔ Bʊmɨ, a ta Bitrus jǝbɔ Yohana tɨm jǝbɔ jii, nǝngɔ nǝbɔ gwam a bɛ nǝn sʊgɔl a daa ji woi, a daa nɨ jǝ jo lɛ gɔ lʌbo Sulemanui, ja ta kang a nyiyo.

Maajɨ Bɛtɔ Twamagɨɨ 4:30

Nʊng kwaan dʊʊn mʊnɔ a gungtǝm, jǝbɔ kanjǝl laatǝm kang, jǝbɔ kanjǝl nʊngtǝm, a dun bwɛ jwaalɛ sagsag mʊnɔ Yesui.”

Maajɨ Bɛtɔ Twamagɨɨ 9:33

Nǝngɔ a tǝga kaa nǝl dunɔ nǝn Iniyasu, wʊnɨ daam jolɔ naalǝbɨ, jʊ a bwɨɨ a swam swamɨ.

Maajɨ Bɛtɔ Twamagɨɨ 9:40

Nǝngɔ Bitrus a jǝg ji gwam a yoolii, a jʊng a maa keligɨɨ. A yǝla a daagɔ bʌlʌnɔ woi, a sʊwa gɔ, “Tabita, gun.” Nǝngɔ a wum nu gǝnɨ. A kuwo Bitrusi, nǝngɔ a gun a yɨ yɨɨ.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

2 Korinti 12:12

Kwaama a maa daltɔ jǝ tatǝm kang a nyiyo jǝbɔ jǝ nʊngtǝm a mʊgɔ jen a gola mɨ. Mǝ maa kanjǝl nɨ nǝn bɨtǝm nǝl. Kanjǝl laatǝm kang nɨ a nʊng mǝ bwɛ twama nǝn bɨlǝngǝn.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.