Maajɨ Bɛtɔ Twamagɨɨ 4:7 - Dadiya NT

⁷ Nǝngɔ ja dǝg Bitrus jǝbɔ Yohana a tɨ a tɨbǝl jini. Nǝngɔ ja bʌ ji gɔ, “N kwaan woi jǝbɔ dun woi jǝ́ maa maajɨ nɨ lɛ nǝnɨ?”

Maajɨ Bɛtɔ Twamagɨɨ 4:7 ပူးပေါင်းရင်းမြစ်များ

Matta 21:23

Yesu a dɔ Kan Kwaamanɨ, a mʊgɔ maatǝm mɛlalɨ, nǝngɔ dʊʊm nǝbkǝlamɔ jǝbɔ nǝb dʊʊm nǝbɨɨ ja bɛ a daa gǝ woi, ja bʌ gǝn gɔ, “N fɔlɔn woi mʊ maa jǝ laatǝm kang nɨ lɛ nǝnɨ? Nuwo a nǝ ń fɔlɔn nɨɨ?”

Markus 11:28

Ja bʌ gǝn gɔ, “N fɔlɔn woi mʊ maa jǝ laatǝm kang nɨ lɛ nǝnɨ? Nuwo a nǝ ń fɔlɔn nɨɨ?”

Yohana 2:18

Nǝngɔ nǝb dʊʊm Yahudawagɔ a bʌ Yesu gɔ, “N jǝ laatǝm kang wɛ mʊ nʊng nǝn nɛɨ, wʊnɨ a nʊng mɔ nǝn fɔlɔn nɨ mʊ maa jʊ nɨ?”

Yohana 8:3

Nǝb mɛlalɨ diilɔ jǝbɔ nǝbɔ Farisaɨ ja bɛ gǝm nǝn kaa nɔɔlɨ nɨ ja ta a daa buloni. Nǝngɔ ja dǝg gǝn a tɨ a tɨbǝl jini.

Yohana 8:9

Ja nyʊwa nyɨɨ, nǝngɔ ja tǝl jelatǝmɔ win wini, a tǝl nǝn dʊʊmɔ a yɔ nǝn a bɛtɨ gǝmɨ, ba bǝla Yesu jǝbɔ nɔɔlɨ nɨ tɨm a kǝga gǝnɨ.

Maajɨ Bɛtɔ Twamagɨɨ 4:10

Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

Maajɨ Bɛtɔ Twamagɨɨ 4:6

Hanana dalɨ nǝkǝlagɔ wo, dakini jǝbɔ Kayafa, jǝbɔ Yohana, jǝbɔ Iskandari, jǝbɔ nǝb nɨ gwam n nanǝgam dalɨ nǝkǝlagɨɨ.

Maajɨ Bɛtɔ Twamagɨɨ 4:8

Bitrus nɨ Yʊwa Kwaamaɨ a kwɛl a yii bʊtɔ gǝnɨ, nǝngɔ a sʊwa ji gɔ, “Jǝ́ nǝb bwangtǝm nǝn nǝbɔ jǝbɔ nǝb dʊʊm nǝbɨɨ!

Maajɨ Bɛtɔ Twamagɨɨ 5:40

Nǝngɔ ja jo bɛtɔ twamagɨɨ, ja bʊg ji, ja sʊwa ji gɔ ka ja sʊwa lɛ kɛl nǝn dun Yesui. Nǝngɔ ja dem jim kangɨ.