Maajɨ Bɛtɔ Twamagɨɨ 4:31 - Dadiya NT

³¹ Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Maajɨ Bɛtɔ Twamagɨɨ 4:31 ပူးပေါင်းရင်းမြစ်များ

Matta 21:22

Na jǝ́ nǝ bɨlǝngkɛlɨ, jʊ nɨ gwam jǝ́ kela Kwaama a mʊgɔ keli, jǝ́ nya nya.”

Yohana 14:12

N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Maajɨ Bɛtɔ Twamagɨɨ 14:3

A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.

Maajɨ Bɛtɔ Twamagɨɨ 2:1

Nǝn di Fentikosɔ a laɨ, nǝb bwangtǝmɔ gwam ja mʊrka daagɔ win.

Maajɨ Bɛtɔ Twamagɨɨ 2:2

Tʌgo a kang, nǝngɔ ja nyʊwa kaa diil mwɛla lɛ nǝn kwaan na yʊwa a kwamaɨ, a yii mʊgɔ lɔ nɨ jǝ woi.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 4:13

Nǝn kwama dʊʊm nǝbɨɨ a kuwo bɨtǝm nǝl Bitrusi jǝbɔ Yohanaɨ, ja nyǝm jǝ ke bɔ nǝb nyǝmtǝm, jǝ nǝb nǝn kwan, nǝngɔ ja ta kang a nyiyoi. Ja nyǝm tag jǝ na dakini jǝbɔ Yesu galɨgǝn.

Maajɨ Bɛtɔ Twamagɨɨ 4:29

“Kǝngkǝnɨ, Tɛlalɔ, dʌng kanga jǝ saa kaatǝm nǝnɔ lɛ a maajɨɨ. Nǝn jwaalɛb mʊnɔ, nǝ nǝn bɨtǝm nǝl a kiyotǝm kɛl mʊnɔ gǝm mɨ taal wo.

Filibii 1:14

A kɛl dul bwatǝmɔ ja maa mɨɨ, kɔrɔ nǝb bwangtǝm wʊnɨ n kɛtǝlam mɨ a mʊgɔ Tɛlalɔɨ, ja jel nyangnyang jǝ sʊwa kɛl Kwaamaɨ lɛ mɨ taal wo.

Filibii 1:20

N ya nǝl dangǝn, mɨsɔ mǝ nyʊwa gunidul lɛ, mǝ bɨ bɨ nǝl dangǝn a kǝngkɔ jǝbɔ tangǝn kumtɨnɔ sǝ Kiristi a nya gungtǝm a daa mɨ woi, na mǝ yǝm nǝn kʊlɨɨ, na n bʊla bʊlaɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.