Maajɨ Bɛtɔ Twamagɨɨ 3:16 - Dadiya NT

¹⁶ “Nʊ nɨ jǝ́ kuwo lɛ, jǝ́ nyǝmɨ, n gola nǝtǝm bɨlǝngkɛl a dun Yesui a nya kwaan yɔmɨ. Bɨlǝngǝn, n nǝtǝm bɨlǝngkɛl nɨ a daagɔ Yesu woi, nǝn gɔ a nǝ gǝn kwaan bʊtɔ a kuwotǝm jenɔ gǝm gwamɨ.

Maajɨ Bɛtɔ Twamagɨɨ 3:16 ပူးပေါင်းရင်းမြစ်များ

Matta 14:29

Nǝngɔ Yesu gɔ, “Bɛ.” Nǝngɔ Bitrus a gǝla a dʌbʌl tɨyamwɛng a tǝl yɔmɔ a dʌbʌl mwɛɨ, yilo a daa Yesu woi.

Matta 9:22

Yesu a yǝla a dʌng gǝnɨ, nǝngɔ a sʊwa gǝn gɔ, “Bʊla mɨ, maa fulotǝm nǝl. Nǝtǝm bɨlǝngkɛl mʊnɔ a gung ń.” Tʌgo a kang nɔɔlɨ nɨ a gun.

Yohana 14:12

N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Yohana 7:23

Na jǝ́ biyo biyo bwɛsǝn gǝm mwɛn nǝn di Kum Fǝbtǝmɨ sǝ jǝ́ bwangtǝn diil Musaɨ, n wɛ a bwɨ jǝ́ maa nabwɨl lɛ jǝbɔ mǝ, mǝ gung bʊtɔ nǝlɨ gwam nǝn di Kum Fǝbtǝmɨ?

Maajɨ Bɛtɔ Twamagɨɨ 14:9

Nyʊwa kiyotǝm kɛl Bulusi lɛ. Nǝngɔ Bulus a ya gǝm nui. Bulus a kuwo nǝtǝm bɨlǝngkɛl gǝnɔ, wʊnɨ dǝg lɛ ja gung gǝnɨ.

Maajɨ Bɛtɔ Twamagɨɨ 16:18

A tɨtǝn maatǝmɔ nyɔ kumtɨnɔ a gǝlala. Nǝngɔ Bulus a nyʊwa nabwɨlɨ, a yǝla a sʊwa bwɛlaa nɨ gɔ, “N sʊwa ń a mʊgɔ dun Yesu Kiristii, bǝla gǝn.” A tʌgo a kang nǝngɔ a bǝla gǝnɨ.

Maajɨ Bɛtɔ Twamagɨɨ 3:6

Nǝngɔ Bitrus gɔ, “Kemʌnɔ jǝbɔ mʊnɔ mɨ mǝ nǝn. Jʊ mǝ nǝnɨ, mǝ nǝ ń nǝ ń. A mʊgɔ dun Yesu Kiristii bwɛ Nazaratɨ, gun, yɔ yɔmɔ.”

Maajɨ Bɛtɔ Twamagɨɨ 3:8

Nǝngɔ a gun dǝbǝr a tɨ sɨnɨ, a tǝl yɔmɨ, a dɔ mʊgɔ Kan Kwaamanɔ jǝbɔ ji, yɔ lɛ, mɔba lɛ, bǝlá Kwaama lɛ.

Maajɨ Bɛtɔ Twamagɨɨ 4:10

Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

Maajɨ Bɛtɔ Twamagɨɨ 4:30

Nʊng kwaan dʊʊn mʊnɔ a gungtǝm, jǝbɔ kanjǝl laatǝm kang, jǝbɔ kanjǝl nʊngtǝm, a dun bwɛ jwaalɛ sagsag mʊnɔ Yesui.”

Maajɨ Bɛtɔ Twamagɨɨ 4:7

Nǝngɔ ja dǝg Bitrus jǝbɔ Yohana a tɨ a tɨbǝl jini. Nǝngɔ ja bʌ ji gɔ, “N kwaan woi jǝbɔ dun woi jǝ́ maa maajɨ nɨ lɛ nǝnɨ?”

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.