Maajɨ Bɛtɔ Twamagɨɨ 3:15 - Dadiya NT

¹⁵ Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

Maajɨ Bɛtɔ Twamagɨɨ 3:15 ပူးပေါင်းရင်းမြစ်များ

Luka 24:48

Jǝ́ nǝb nǝtǝm nyiyo a dul kanjǝl nɨ.

Yohana 1:4

A daa gǝ woi kʊlɨgɔ wo, kʊlɨ nɨ nǝn gɔ a bɛ nǝn nyalǝm a nǝbɔ gǝmɨ.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Maajɨ Bɛtɔ Twamagɨɨ 1:22

A bʊm nyɔ nʊ nɨ a yǝlam nʊ nɨ a yɨ jǝbɔ bǝn a tǝl nǝn kwama Yohana yʊm mwɛ sagsag lɛɨ, ba la nǝn kwama nɨ Yesu a guni, ja yɔ nǝn gɔ a dʌbʌli. A yǝlam nyɔ win a kʊm nǝb nɨ a nǝ nyiyo a guntǝm gǝnɔ a bwaaɨ jǝbɔ bǝn.”

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.

Maajɨ Bɛtɔ Twamagɨɨ 2:32

Kwaama a gung Yesu nɨ a bwaa, pʌd gwam nǝnɔ nǝn kuwo kuwoi nǝn nu nǝn.

Maajɨ Bɛtɔ Twamagɨɨ 4:2

Ja mɔ nabwɨl, jʊ a bwɨɨ, jǝ mɛla nǝbɔ gǝm lɛ gɔ nǝb nɨ a bʊlaɨ guntǝm wo nǝn kʊlɨ kanga Yesu a gunʌmi.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

1 Korinti 15:45

A mʊla mʊlaɨ nyɔ gɔ, “Nǝ tɨkǝgagɔ nǝn Adamu a yǝlam nǝn kʊlɨɨ.” Adamu gulɔ n yʊwa nɨ nǝ kʊlɨ lɛɨ.

Afisa 1:20

a gung Kiristi a bwaaɨ, a nǝ gǝn yɨm a kang jajǝng gǝn a dʌbʌl kwamaɨ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 2:10

Kwaama nǝn gɔ a fwal kanjǝlɔ gwamɨ, kanjǝlɔ gwam n dʊʊlǝn gǝn. Swɨ lɛ gǝ nya bɛtɨ a lada a nya dʊʊlǝn gǝnɔ, a bʊm a fɛ nʊ nɨ win bwangtǝn nɛ nǝn nǝbɔ a nya bʊʊtǝm nyan a gola gaalan gǝnɨ.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Dʊgam Nyangnyang 21:6

A sʊwa ɨ gɔ, “A dɨɨ. Nǝmǝ mǝ Alfaɨ, Nǝmǝ mǝ Omegaɨ, Nǝmǝ mǝ Tɨkǝgaɨ, Nǝmǝ mǝ Dɨltǝmɨ. Nʊ nɨ nyʊwa diil mwɛ lɛɨ, mǝ nǝ gǝn nǝ mwɛ nɨ a mʊgɔ bwili mwɛ kʊlɨ nǝn kwan.

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.