Maajɨ Bɛtɔ Twamagɨɨ 28:20 - Dadiya NT

²⁰ N dul kɛl nɨ mǝ saa sǝ n kuwo jeni, sǝ n kiyo kɛl nǝbɔ jeni. N kɛl dul nʊ nɨ nǝbɔ Israilaɨ ya nǝl bɛtǝm gǝnɔ lɛɨ, ja bwa ɨ nǝn golmanɨ.”

Maajɨ Bɛtɔ Twamagɨɨ 28:20 ပူးပေါင်းရင်းမြစ်များ

Maajɨ Bɛtɔ Twamagɨɨ 10:29

N dul kɛl nɨ ja twam ɨ gɔ n bɛɨ, mǝ kɔ bɔ bɛtǝmɔ. Kǝngkɔ mǝ swɨ lɛ n nyǝm jʊ a bwɨ jǝ́ jo i lɛɨ.”

Maajɨ Bɛtɔ Twamagɨɨ 10:33

N kɛl dul jʊ nɨ mǝ twam mǝʊ ja jo ńi. Ń maa a bʊm, mʊ bɛɨ. N wɔ nǝn mʊrka a kǝga Kwaamaɨ, sǝ nǝn nyʊwa twamagɔ Tɛlalɔ a sʊwa ńɨ.”

Maajɨ Bɛtɔ Twamagɨɨ 21:33

Nǝngɔ dalɨ dʊʊ sʊwajaamɔ a ta Bulus a dǝg ja bwa gǝn nǝn golmanɔ yoi. Nǝngɔ a bʌ gɔ, “Nʊ nɨ nuwo? N wɛ a maaɨ?”

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

Maajɨ Bɛtɔ Twamagɨɨ 24:15

Mǝ ya nǝl lɛ a daa Kwaama woi kanga nǝb nɨ ja yam tʌji gɔ guntǝm wo a nǝb nɨ a bʊlala bʊlalaɨ, nǝb dǝngdǝngɔ jǝbɔ nǝb bwɨlamɔ.

Maajɨ Bɛtɔ Twamagɨɨ 26:29

Bulus a sʊwa gǝn gɔ, “Na do kumɔ wini, na do kumtɨnɔ a gǝlalaɨ, mǝ kela Kwaama lɛ, ke bɔ mɔ kwaamɔ, gwam nǝb nɨ nyʊwa ɨ lɛ dwiyeni, ja yǝlam na mǝ, ke bɔ nǝn golman nɨ.”

Maajɨ Bɛtɔ Twamagɨɨ 28:17

Kumɔ taal a shui, Bulus a jo dʊʊm Yahudawagɔ. Ja mʊrkaɨ, nǝngɔ a sʊwa ji gɔ, “Kambɔ, mǝ maa bɔ nǝbam bǝnɔ gǝm bwɨlangkɛl, mǝ fa bɔ jǝfʊlǝn tʊgalam bǝnɨ sul, ja ta ɨ a Urushalima ja bwa ɨ, ja nǝ nǝbɔ Romaɨ.

Afisa 3:1

A dul kɛl nɨ, mǝ Bulus, mǝ bwɛ lɔsomi a kɛl dul Kiristi Yesui, sǝ n tɨka jen jǝ́ Bʌtʌbɔ.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Afisa 6:20

N dul fulon kɛl lǝmɨ nɨ mǝ do nyiyo gǝnɔ a mʊgɔ golmanɨ. Jǝ́ maa mɨ keli n kiyo fulon kɛl lǝmɨ nɨ mɨ nyʊwatǝm taal wo, kanga a bʊm na mǝ sʊwa lɛɨ.

Filibii 1:13

A dul jʊ nɨ, a yǝlam jǝ nʊngtǝm a daagɔ nǝb tɔɔtǝm lɔ fɔlɔgɔ woi jǝbɔ tangǝn nǝbɔ gwam, gɔ bwatǝm mǝndɨ n kɛl dul Kiristii.

Kolosii 4:18

Mǝ Bulus, nǝmǝ mǝ mʊla yaltǝm nɨ lɛ nǝn kang mɨɨ. Ka jǝ́ twab lɛ, ja bwa ɨ a lɔsomi. Bɛ lǝma Kwaamaɨ a yɨ jǝbɔ jen.

2 Timoti 1:10

Lǝma nɨ, Kwaama a nʊng bǝn kǝngkɔ a gola bɛtǝm Nǝbʊʊlɨ bǝnɔ Kiristi Yesui, a kalǝm bwaagɨɨ, a nʊng kʊlɨ nɨ mɨ dɨtǝm woi a gola kiyotǝm fulon kɛl lǝmɨ nɨɨ.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

Filimon 1:10

Mǝ kela ń nɛ a kɛl dul bʊla mɨ Onisimusi, wʊnɨ mǝ yǝlam tɛtɛ gɔ nǝn kwama ja bwa ɨ a lɔsomii.

Filimon 1:13

Na mǝ swɨ swɨ n ta gǝn a daa mɨ woi, sǝ a do nyiyo mʊnɔ a mʊgɔ tɨkalɨ mǝndɨ, nǝn kwama ja bwa ɨ a mʊgɔ lɔsomi a dul fulon kɛl lǝmɨɨ.