Maajɨ Bɛtɔ Twamagɨɨ 28:16 - Dadiya NT

¹⁶ Nǝn dɔ mʊgɔ Romaɨ, nǝngɔ ja jǝla Bulus gǝm gɔ ya yɨ a lɔ nɨ jǝ ywa lɛ ywaɨ jǝbɔ sʊwajaam nɨ dʌng gǝn nɛɨ.

Maajɨ Bɛtɔ Twamagɨɨ 28:16 ပူးပေါင်းရင်းမြစ်များ

Maajɨ Bɛtɔ Twamagɨɨ 18:2

N daa nɨ a nya kaa bwɛ Yahuda woi, wʊnɨ jǝ jo lɛ gɔ Akilaɨ, n bwɛ tǝm Fantasɨ. Akila jǝbɔ nwala gɔ Bilkisu ja jel a tǝm Italiya, jʊ a bwɨɨ Kalaudiyas a ga diil gɔ Yahudawagɔ gwam ja bǝla Romagɔ. Nǝngɔ Bulus a yɔ a daa ji woi.

Maajɨ Bɛtɔ Twamagɨɨ 19:21

A gul kanjǝl nɨ, Bulus a bʊʊla a nǝl gǝn gɔ, na gǝ kɛla tǝm Makidoniyagɔ jǝbɔ Akayaɨ, gǝ yi a Urushalima. A sʊwa tag gɔ, “Na n yɔ fʌleni, ya mǝ kuwo kuwo dalɨ tuulɔ Romagɔ.”

Maajɨ Bɛtɔ Twamagɨɨ 2:10

jǝbɔ nǝbɔ Firijiyaɨ, jǝbɔ a Bamfiliyaɨ, jǝbɔ a Masarɨ, jǝbɔ a dʌng Kurane nɨ a tǝm Libiyaɨ, jǝbɔ faabǝm nɨ a Romaɨ, jǝbɔ a Yahudawagɨɨ, jǝbɔ nǝb nɨ a dǝg dul jinɔ a yǝlam Yahudawaɨ,

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

Maajɨ Bɛtɔ Twamagɨɨ 24:23

Filikus a nǝ dʊʊ sʊwajaamɔ diil gɔ tɔɔ Bulus, ka ga sɨna gǝm lɛ maatǝm kanjǝl, ka ga kaa lɛ fatǝlam gǝnɔ bɛtǝm a daa gǝ woi, sǝ ja tɨka gǝn.

Maajɨ Bɛtɔ Twamagɨɨ 27:3

Nǝn tǝmsɛlɨɨ, nǝn bɛ a Sidon. Yuliyas dʊʊ sʊwajaam nɨ a maa Bulus gǝm jǝ nya. A bǝla gǝn sǝ a yɔ ya kuwo fatǝlam gǝnɔ, sǝ ja tɨka gǝn.

Maajɨ Bɛtɔ Twamagɨɨ 27:31

Nǝngɔ Bulus a sʊwa dʊʊ sʊwajaamɔ jǝbɔ sʊwajaamtɨnɔ gɔ, “Na nǝb nɨ a tɨ bɔ a mʊgɔ tɨyamwɛng nɨɨ, mɨsɔ jǝ́ bʊʊ lɛ.”

Maajɨ Bɛtɔ Twamagɨɨ 27:43

Dʊʊ sʊwajaamɔ swɨ lɛ a bʊʊ nǝn Bulus. Nǝngɔ a kaa ji woi. A nǝ ji diil gɔ gwam nǝb nɨ a nyǝm mwɛɨ, ja tǝl yaltǝm mwɛmɔ ja yɔ a kʌng wɨma.

Dʊgam Nyangnyang 17:18

Nɔɔlɨ nɨ mʊ kuwoi, n gʌleng tuulɔ nɨ maa fɔlɔn nɛ a dul fɔlɔlɔm yooli nɨɨ.”

Dʊgam Nyangnyang 17:9

“N nʊ nɨ nǝn yʊlanɨ nyǝm jʊ nɨ lɛɨ. Dultɨn nɨ nʌbʌli n yemtɨn nʌbʌl, wʊnɨ nɔɔlɨ nɨ a yɨmɨ.