Maajɨ Bɛtɔ Twamagɨɨ 27:1 - Dadiya NT

¹ Ja fɛka kanga nǝ gun nɛ a tɨyamwɛng nǝn shu a Italiyaɨ, nǝngɔ ja dǝg Bulus jǝbɔ kaam nǝb golmanɔ a kang kaa dʊʊ sʊwajaam dunɔ nǝn Yuliyas, a nya Kaisarɨ.

Maajɨ Bɛtɔ Twamagɨɨ 27:1 ပူးပေါင်းရင်းမြစ်များ

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Luka 23:47

Dʊʊ sʊwajaam nɨ tɨm woi a kuwo jʊ nɨ a bwɨɨ, nǝngɔ a bǝlá Kwaama a sʊwa gɔ, “Bɨlǝngǝn nʊ nɨ n nǝ dǝngdǝng.”

Luka 7:2

A daagɔ kaa dʊʊ sʊwajaam wo wʊnɨ bwɛ jwaalɛ gǝnɔ mɨ kwamɨgǝnɨ, ya bʊla lɛ. Dʊʊ sʊwajaam nɨ swɨ bwɛ jwaalɛ gǝnɔ nɨ lɛ dangǝn.

Maajɨ Bɛtɔ Twamagɨɨ 10:1

Kaa nǝl wo a Kaisar, dunɔ nǝn Karniliyas. Na kaa dʊʊ sʊwajaam Roma, n nya sʊwajaamtɨn nɨ jǝ jo lɛ gɔ nya Italiyaɨ.

Maajɨ Bɛtɔ Twamagɨɨ 10:22

Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”

Maajɨ Bɛtɔ Twamagɨɨ 16:10

Bulus a kuwo dʊgam nyangnyang nɨɨ, tʌgo a kang nǝngɔ nǝn fɛka nǝn shu a Makidoniyaɨ, jʊ a bwɨɨ nǝn nyǝm nǝn Kwaama a jo nǝn gɔ ya nǝn sʊwa ji fulon kɛl lǝmɨ nɨɨ.

Maajɨ Bɛtɔ Twamagɨɨ 18:2

N daa nɨ a nya kaa bwɛ Yahuda woi, wʊnɨ jǝ jo lɛ gɔ Akilaɨ, n bwɛ tǝm Fantasɨ. Akila jǝbɔ nwala gɔ Bilkisu ja jel a tǝm Italiya, jʊ a bwɨɨ Kalaudiyas a ga diil gɔ Yahudawagɔ gwam ja bǝla Romagɔ. Nǝngɔ Bulus a yɔ a daa ji woi.

Maajɨ Bɛtɔ Twamagɨɨ 19:21

A gul kanjǝl nɨ, Bulus a bʊʊla a nǝl gǝn gɔ, na gǝ kɛla tǝm Makidoniyagɔ jǝbɔ Akayaɨ, gǝ yi a Urushalima. A sʊwa tag gɔ, “Na n yɔ fʌleni, ya mǝ kuwo kuwo dalɨ tuulɔ Romagɔ.”

Maajɨ Bɛtɔ Twamagɨɨ 21:32

Tʌgo a kang nǝngɔ a wɔɔ sʊwajaamɔ jǝbɔ dʊʊm sʊwajaam Romagɔ ja shu a daagɔ nǝn sʊgɔlɨ. Nǝb kutʌmɔ a kuwo dalɨ dʊʊ sʊwajaamɔ jǝbɔ sʊwajaamtɨnɨ, nǝngɔ ja bǝla bʊgtǝm Bulusi.

Maajɨ Bɛtɔ Twamagɨɨ 22:26

Dʊʊ sʊwajaam nɨ a nyʊwa nyɨɨ, nǝngɔ a yɔ a daa dalɨ dʊʊ sʊwajaamɔ woi a sʊwa gǝn gɔ, “N wɛ mʊ saa maatǝmɔ lɛɨ? Balɨ nɨ n nǝ yɨm dul Roma.”

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

Maajɨ Bɛtɔ Twamagɨɨ 23:17

Nǝngɔ Bulus a jo kaa win a mʊgɔ dʊʊm sʊwajaam nɨɨ, a sʊwa gǝn gɔ, “Yɔ nǝn bwɛ nɨ a daa dalɨ dʊʊ sʊwajaamɔ woi, a na nǝn jʊ nɨ sʊwa gǝn nɛɨ.”

Maajɨ Bɛtɔ Twamagɨɨ 24:23

Filikus a nǝ dʊʊ sʊwajaamɔ diil gɔ tɔɔ Bulus, ka ga sɨna gǝm lɛ maatǝm kanjǝl, ka ga kaa lɛ fatǝlam gǝnɔ bɛtǝm a daa gǝ woi, sǝ ja tɨka gǝn.

Maajɨ Bɛtɔ Twamagɨɨ 25:12

Kwama Festas a kiyo kɛl jǝbɔ nǝb gǝnɨ, nǝngɔ a jǝla gɔ, “Ń kel mɔʊ ja yɔ nǝn kɛl nɨ a kǝga Kaisarɨ, n daa Kaisarɨ mʊ shu lɛ woi.”

Maajɨ Bɛtɔ Twamagɨɨ 25:25

A mɨɨ mǝ kuwo bɔ a maa jʊ nɨ a la jǝ jʌ gǝn nɛɨ. Gǝ nǝn kang gǝn a saa gǝ ja yɔ nǝn gɔ a daagɔ fɔlɔ Kaisarɨ, nǝngɔ mǝ mǝ tʊng gǝn tʊng a daa gǝ woi.

Maajɨ Bɛtɔ Twamagɨɨ 27:11

A dʊʊ sʊwajaamɨ a jǝla bɔ nǝn jʊ Bulus a sʊwaɨ. A ya nǝl gǝnɔ a daa nǝ mǝgtǝm tɨyamwɛngɔ woi jǝbɔ nǝ tɨyamwɛngɔ.

Maajɨ Bɛtɔ Twamagɨɨ 27:43

Dʊʊ sʊwajaamɔ swɨ lɛ a bʊʊ nǝn Bulus. Nǝngɔ a kaa ji woi. A nǝ ji diil gɔ gwam nǝb nɨ a nyǝm mwɛɨ, ja tǝl yaltǝm mwɛmɔ ja yɔ a kʌng wɨma.

Maajɨ Bɛtɔ Twamagɨɨ 27:6

A daa gɔ nǝngɔ dʊʊ sʊwajaam nɨ a nya kaa tɨyamwɛng Iskandariyaɨ, wʊnɨ shu lɛ a tǝm Italiyaɨ, nǝngɔ a dǝg nǝn woi.

Maajɨ Bɛtɔ Twamagɨɨ 28:1

Kwama nǝn bʊʊɨ, nǝngɔ la nǝn nyʊwa gɔ dun tǝm nɨ a tɨbǝl wɨmaɨ jǝ jo gɔ Malta.

Maajɨ Bɛtɔ Twamagɨɨ 28:16

Nǝn dɔ mʊgɔ Romaɨ, nǝngɔ ja jǝla Bulus gǝm gɔ ya yɨ a lɔ nɨ jǝ ywa lɛ ywaɨ jǝbɔ sʊwajaam nɨ dʌng gǝn nɛɨ.

Ibranii 13:24

Jǝ́ yal nǝb dʊʊm jenɔ, jǝbɔ nǝb bwangtǝm Kwaamaɨ gwam. Nǝb nɨ fɔ a tǝm Italiyaɨ yal jen nɛ.