Maajɨ Bɛtɔ Twamagɨɨ 26:31 - Dadiya NT

³¹ Ja jel a kan borangɨ, nǝngɔ jǝ sʊwaka lɛ gɔ, “Nʊ nɨ a maa bɔ jʊ nɨ a la jǝ kubʌl gǝn nɛ jǝbɔ jʌtǝm gǝnɨ.”

Maajɨ Bɛtɔ Twamagɨɨ 26:31 ပူးပေါင်းရင်းမြစ်များ

Luka 23:4

Nǝngɔ Bilatus a sʊwa dʊʊm nǝbkǝlamɔ jǝbɔ nǝbɔ a mʊrkaɨ gɔ, “N fɨɨ nʊ nɨ. Mǝ nya gǝn bɔ nǝn kɛl nɨ a yǝlam na borangɨ.”

Maajɨ Bɛtɔ Twamagɨɨ 23:29

N nya ja tuwo gǝn a dul kɛl diil jinɔ gǝm. Bwɨlangkɛl nɨ jǝ ya gǝm lɛɨ, a la bɔ ja bwa gǝn jǝbɔ jʌtǝm.

Maajɨ Bɛtɔ Twamagɨɨ 23:9

Nǝngɔ gʌleng kutʌm a guni. Kaam nǝb mɛlalɨ diiltɨn nya nǝbɔ Farisaɨ ja gun ja tɨ tɨɨ, ja sʊwa gɔ, “A nǝnɔ nǝn nya bɔ balɨ nɨ nǝn kaa bwɨlangkɛl. Kɛna na kaa yʊwaɨ, kɛna bwɛ twama Kwaamaɨ a sʊwa gǝn kɛlɨ.”

Maajɨ Bɛtɔ Twamagɨɨ 25:25

A mɨɨ mǝ kuwo bɔ a maa jʊ nɨ a la jǝ jʌ gǝn nɛɨ. Gǝ nǝn kang gǝn a saa gǝ ja yɔ nǝn gɔ a daagɔ fɔlɔ Kaisarɨ, nǝngɔ mǝ mǝ tʊng gǝn tʊng a daa gǝ woi.

Maajɨ Bɛtɔ Twamagɨɨ 28:18

Ja fɨɨ ɨ, jǝ swɨ lɛ ja dem mɨ kang, jʊ a bwɨɨ ja nya ɨ bɔ nǝn bwɨlangkɛl nɨ a la jǝ jʌ i lɛɨ.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.