Maajɨ Bɛtɔ Twamagɨɨ 26:28 - Dadiya NT

²⁸ Nǝngɔ fɔlɔ Agaribas a sʊwa Bulus gɔ, “Nǝn kǝlɨ kwama nɨ mʊ swɨ lɛ ń gʊ ɨ, sǝ n yǝlam nǝ bwangtǝm Kiristii ka?”

Maajɨ Bɛtɔ Twamagɨɨ 26:28 ပူးပေါင်းရင်းမြစ်များ

Matta 10:18

A kɛl dul mɨ, jǝ yɔ yɔ nǝn jen a kǝga nǝb dʊʊmɨ jǝbɔ kǝga fɔlɔlɔmɨ, sǝ jǝ́ nǝ nyiyo a kǝga jin, jǝbɔ kǝga Bʌtʌbi.

Markus 6:20

Jʊ a bwɨɨ, Hiridus nyʊwa taal Yohanaɨ lɛ, kɨla gǝn nɛ dangǝn. A nyǝm gɔ Yohana n nǝfili dǝngdǝng, n nǝ sagsag. Na kwama nɨ Yohana a sʊwa Hiridus kɛlɨ, gǝ kom gǝn kom sul, gǝ nyʊwa nyʊwa lǝma nyʊwatǝm kɛl Yohanaɨ kwangkwang.

Maajɨ Bɛtɔ Twamagɨɨ 11:26

Nǝn kwama a nya gǝnɨ, nǝngɔ a yǝla a bɛ nǝn gɔ a Antakiyaɨ. Ja maa jolɔ win jǝ mʊrka lɛ jǝbɔ mʊrkalɨ nǝb bwangtǝm Kiristii. Jǝ mɛla nǝb bwangtǝmɔ gǝm lɛ a lada. Ja tǝl jotǝm nǝb bwangtǝmɔ nǝn dun gɔ, Kirista a Antakiya.

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Maajɨ Bɛtɔ Twamagɨɨ 26:27

Fɔlɔgɔ, ń nǝ bɨlǝngkɛl nǝn nǝbkuwotǝmkǝgagɔ ka? N nyǝm ń nǝ bɨlǝngkɛl.”

Maajɨ Bɛtɔ Twamagɨɨ 26:29

Bulus a sʊwa gǝn gɔ, “Na do kumɔ wini, na do kumtɨnɔ a gǝlalaɨ, mǝ kela Kwaama lɛ, ke bɔ mɔ kwaamɔ, gwam nǝb nɨ nyʊwa ɨ lɛ dwiyeni, ja yǝlam na mǝ, ke bɔ nǝn golman nɨ.”

2 Korinti 4:2

Nǝn kɔ kanjǝl gunidul nɨ yǝlam jǝ yʊtǝm lɛɨ, mɨ swagkatǝm wo. Nǝn fʌto bɔ kɛl Kwaamaɨ. Nǝn sʊwa mɛlalɨ bɨlǝngkɛl a talɨ. N daa nɨ nǝbɔ nyǝm lɛ a nǝl jin gɔ nuwo nǝn nǝnɨ.

1 Bitrus 4:16

Na kaa nǝl a nɔɔ gaalan a kɛl dul gǝ nǝ bwangtǝm Kiristii, ka ga nyʊwa lɛ gunidul. Bɛ ga dʊʊl Kwaama a kɛl dun nɨɨ.