Maajɨ Bɛtɔ Twamagɨɨ 26:24 - Dadiya NT

²⁴ Bulus a mʊgɔ sʊwatǝm kɛl jǝgtǝm dul gǝnɔ, nǝngɔ Festas a ga gǝm wulong gɔ, “Bulus mʊ nǝ wabɨ ka? Kiyotǝm langǝn bwangǝnɔ yǝla mʊn dul lɛ!”

Maajɨ Bɛtɔ Twamagɨɨ 26:24 ပူးပေါင်းရင်းမြစ်များ

Markus 3:21

Kwama nǝbɔ lɔ gɨɨ a nyʊwa nyɨɨ, nǝngɔ ja yɔ sǝ ya jǝ ta gǝnɨ, jʊ a bwɨɨ nǝbɔ sʊwa lɛ gɔ, “Wabɨgɔ a ta gǝn!”

Yohana 7:15

Nǝngɔ dʊʊm Yahudawagɔ a ta kang a nyiyo jǝ sʊwa lɛ gɔ, “Nʊ nɨ a maa bɔ gǝlalantal wo sǝ a nya kiyotǝm. A la maa nyǝn a yǝlam nǝ nyǝmtǝm nyɨɨ?”

Yohana 8:48

Nǝngɔ Yahudawagɔ a jǝla gǝn gɔ, “Nǝn sʊwa nǝngɔ mʊ bwɛ Samariya, mɔ nǝngǝn nǝn yʊwa bwɨla. Mɨ nyɔ ka?”

Yohana 8:52

Nǝngɔ Yahudawagɔ a sʊwa gǝn gɔ, “Kǝngkɔ nǝn nyǝm mʊ nǝngǝn nǝn yʊwa bwɨla. Ibrahim jǝbɔ nǝbkuwotǝmkǝgagɔ ja bʊlala. Mɔ ń sʊwa mɔʊ nʊ nɨ bwangtǝn mɛlalɨ mʊnɔ lɛɨ, mɔʊ mɨsɔ bʊla lɛ wo.

Maajɨ Bɛtɔ Twamagɨɨ 17:32

Ja nyʊwa kɛl guntǝmɔ a bwaaɨ, nǝngɔ kaamɨ a mog gǝnɨ, kaamɨ a sʊwa gɔ. “Nǝ swɨ lɛ nǝ yǝla nǝn nyʊwa jʊ nɨ mʊ sʊwa a dul kɛl nɨɨ.”

Maajɨ Bɛtɔ Twamagɨɨ 22:1

“Jǝ́ kɛtǝlamɔ jǝbɔ dʊʊmɔ, jǝ́ kaa lɔl sǝ n sʊwa jen jʊ a bwɨɨ, sǝ n nʊng jen mɨ mǝ nǝn bwɨlangkɛl.”

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Maajɨ Bɛtɔ Twamagɨɨ 24:27

Filikus swɨ lɛ a maa Yahudawagɔ gǝm jǝ nya. Nǝngɔ a bǝla Bulus a lɔsomii. Jolɔ yo a shui, nǝngɔ Borkiyas Festas a yǝlam gwamna a fʌto Filikusi.

Maajɨ Bɛtɔ Twamagɨɨ 26:11

Mǝ bwangtǝn kantɨn mɛlalɨgɔ lɛ, mǝ bʊg ji lɛ. Mǝ maa gola lɛ sǝ n dǝg ji ja soga dun Yesui. N maa nabwɨl jǝbɔ ji dangǝn, mǝ bwang jim lɛ a kaam tuulɔtɨn nǝbɨɨ, sǝ n nǝ ji gaalan.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

2 Korinti 5:13

Na nǝn maa wabɨ, nǝn maa sǝ a bɛ Kwaama gǝm nǝn dʊʊlǝn. Na nǝn maa bɔ wabɨ, n nyatǝm sʊtǝm jen.

2 Timoti 3:15

Bɛ ń bʊʊla nǝn kwama nɨ mɔ a lɔ bwɛsǝnɨ, ń nyǝm Langǝn bwangǝntɨn sagsagɔ, wʊnɨ a tɨka ń a mɛla mʊn gola nyatǝm bʊʊtǝm a gola nǝtǝm bɨlǝngkɛl a mʊgɔ Kiristi Yesui.