Maajɨ Bɛtɔ Twamagɨɨ 25:11 - Dadiya NT

¹¹ Na mǝ nǝ bwɨlangkɛlɨ, bwɨlangkɛl nɨ a la jǝ jʌ i lɛɨ, mɨsɔ mǝ kɔ lɛ ja jʌ i. Na mɨ bɨlǝngkɛl wo a mʊgɔ katɨ nɨ Yahudawagɔ a sʊwa a dul mɨɨ, mɨ nʊ nɨ wo a la nyɔ, nǝ ji mǝ lɛɨ. Mǝ kela lɛ jǝ́ do kɛl mǝndɨ, jǝ́ yɔ nǝn a kǝga Kaisarɨ.”

Maajɨ Bɛtɔ Twamagɨɨ 25:11 ပူးပေါင်းရင်းမြစ်များ

Maajɨ Bɛtɔ Twamagɨɨ 16:37

Bulus a sʊwa ji gɔ, “Nyangnyang ja bʊg nǝnɨ, ke bɔ borang ja maa nǝmɨ, nǝn tǝnǝn nǝn nǝbɔ Romaɨ, ja mal nǝn a lɔsomi. Jǝ jǝg nǝn nɛ daddad kǝngkɔ? Mɨ nyɔ! Ja bɛ nǝn kang ji ba ja jǝg nǝn.”

Maajɨ Bɛtɔ Twamagɨɨ 18:14

Bulus swɨ lɛ a sʊwa kɛlɨ, nǝngɔ Galiyo a sʊwa Yahudawagɔ gɔ, “Na na n kaa bwɨlangkɛl a maaɨ, na bwɨlangkɛl dʊʊnɨ, mǝ nyʊwa jen nyʊwa.

Maajɨ Bɛtɔ Twamagɨɨ 22:25

Kwama ja bwam Bulus sǝ ja maa gǝm banjangɨɨ, nǝngɔ a bʌ dʊʊ sʊwajaam nɨ tɨm nǝn dɔɔm jǝbɔ gɨɨ gɔ, “N dǝngdǝng a diilɔ gǝm ń maa nʊ nɨ gǝm nǝn yɨm dul Romaɨ gǝm banjangɨ, jǝ́ maa gǝm bɔ borang ka?”

Maajɨ Bɛtɔ Twamagɨɨ 25:10

Nǝngɔ Bulus a jǝla gɔ, “Mǝ na a kǝga kan borang Kaisarɨ fɔ. N daagɔ a bʊm mʊ maa mɨ borang lɛ woi. Mǝ maa bɔ Yahudawagɔ gǝm bwɨlangkɛl. Mɔ tǝmʊn ń nyǝm nyɔ.

Maajɨ Bɛtɔ Twamagɨɨ 25:12

Kwama Festas a kiyo kɛl jǝbɔ nǝb gǝnɨ, nǝngɔ a jǝla gɔ, “Ń kel mɔʊ ja yɔ nǝn kɛl nɨ a kǝga Kaisarɨ, n daa Kaisarɨ mʊ shu lɛ woi.”

Maajɨ Bɛtɔ Twamagɨɨ 25:21

Bulus a saa gɔ ja tɨ nǝn kɛl gǝnɔ sǝ dalɨ fɔlɔgɔ, Kaisar, a biyo gǝm borangɔ. Nǝngɔ mǝ nǝ diil mǝʊ ja tɔɔ gǝn, a la nǝn a kwama nɨ mǝ tʊng gǝn nɛ a daa Kaisar woi.”

Maajɨ Bɛtɔ Twamagɨɨ 25:25

A mɨɨ mǝ kuwo bɔ a maa jʊ nɨ a la jǝ jʌ gǝn nɛɨ. Gǝ nǝn kang gǝn a saa gǝ ja yɔ nǝn gɔ a daagɔ fɔlɔ Kaisarɨ, nǝngɔ mǝ mǝ tʊng gǝn tʊng a daa gǝ woi.

Maajɨ Bɛtɔ Twamagɨɨ 26:32

Nǝngɔ Agaribas a sʊwa Festas gɔ, “Na ke bɔ jʊ nɨ balɨ nɨ a dem borang gǝnɔ a yɔ nǝn a kǝga Kaisarɨ, na bǝ dem gǝm dem kang.”

Maajɨ Bɛtɔ Twamagɨɨ 28:19

Dʊʊm Yahudawagɔ a kɔ jǝlatǝmɔ, nǝngɔ a yǝlam nyɔ mǝ dem borang mǝndɨ mǝ bɛ nǝn fɔ a daa Kaisar woi. Ke bɔ katǝm kɛl nǝbam bǝnɨ mǝ bɛ nǝnɨ.

1 Tasalonikaɨ 2:15

N nǝbɔ a jʌ Tɛlalɔ Yesu jǝbɔ nǝbkuwotǝmkǝgagɨɨ, ja kaa nǝnɨ. Mɨ jǝ maa maajɨ nɨ lɛ Kwaama swɨ lɛɨ. N nǝb kɔtǝm nǝbɨɨ gwam.