Maajɨ Bɛtɔ Twamagɨɨ 24:8 - Dadiya NT

⁸ A nǝ diil gɔ nǝb katǝm kɛl gǝnɔ a bɛ a kǝga mʊn.] Na ń fɨɨ balɨ nɨ nǝn kang mʊnɨ, mʊ nya nya katǝmɔ gwam nǝn maa gǝm lɛɨ.”

Maajɨ Bɛtɔ Twamagɨɨ 24:8 ပူးပေါင်းရင်းမြစ်များ

Luka 23:14

Nǝngɔ a sʊwa ji gɔ, “Jǝ́ bɛ nǝn nʊ nɨ a kǝga mɨ jengɔ nǝn gɔ kal nǝbɔ lɛ gɔ ka ja nyʊwa lɛ nǝb tǝmɨ. N fɨɨ gǝn a kǝga jen, mǝ nya gǝn bɔ nǝn kaa bwɨlangkɛl a katɨ nɨ jǝ́ tuwo gǝn nɛ nǝnɨ.

Maajɨ Bɛtɔ Twamagɨɨ 23:30

Ja sʊwa ɨ gɔ kaa bwɨlang fɛkalɨ wo wʊnɨ ja maa a dul gǝnɨ, tʌgo a kang mǝ tʊng gǝn a daa mɔ woi, sǝ nǝb katǝm kɛl gǝnɔ ya sʊwa bwɨlangkɛl gǝnɔ a kǝga mʊn, jʊ nɨ ja kuwo a maaɨ.

Maajɨ Bɛtɔ Twamagɨɨ 23:35

nǝngɔ a sʊwa gɔ, “Mǝ nyʊwa nyʊwa kɛl mʊnɔ, na nǝb katǝm kɛl mʊnɔ a bɛɨ.” Nǝngɔ gwamna a dǝg gɔ ja kubʌl gǝn a lɔ fɔlɔ Hiridusi.

Maajɨ Bɛtɔ Twamagɨɨ 24:7

Nǝngɔ dalɨ dʊʊ sʊwajaam nɨ, Lisiyas, ba yo gǝn nǝn kwaan a kang nǝnɨ.

Maajɨ Bɛtɔ Twamagɨɨ 24:9

Yahudawagɔ a bwa gǝm guu gɔ jʊ a sʊwaɨ gǝ na nyɔ.

Maajɨ Bɛtɔ Twamagɨɨ 25:5

A dul kɛl nɨ, bɛ nǝb dʊʊm jenɔ ja bɛ jǝbɔ mǝ. Na balɨ nɨ nǝn bwɨlangkɛlɨ, sǝ ja sʊwa jʊtǝb nɨ jǝ tuwo gǝn nɛ nǝnɨ.”