Maajɨ Bɛtɔ Twamagɨɨ 22:14 - Dadiya NT

¹⁴ “Nǝngɔ a sʊwa ɨ gɔ, ‘N Kwaama tʊgalam bǝnɨ a jǝg ń sǝ ń nyǝm jʊ swɨ lɛɨ, sǝ ń kuwo Nǝ Dǝngdǝng nɨ, sǝ ń nyʊwa kɛl gǝnɔ.

Maajɨ Bɛtɔ Twamagɨɨ 22:14 ပူးပေါင်းရင်းမြစ်များ

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Maajɨ Bɛtɔ Twamagɨɨ 13:17

Kwaama nǝbɔ Israilaɨ nɨɨ, nǝn gɔ a jǝgǝm tʊgalam bǝnɨ, a dǝg nǝb nɨ a yǝlam nǝb dʊʊm nǝn kwama ji a tǝm Masarɨ, nǝn kwaan dʊʊn gǝnɔ a jǝg ji a mʊgɔ gǝnɨ.

Maajɨ Bɛtɔ Twamagɨɨ 22:15

Mʊ yǝlam nǝ nǝtǝm nyiyo a kɛl gǝn a daa nǝbɔ woi pʌd, a dul jʊ mʊ kuwo, mʊ nyʊwaɨ.

Maajɨ Bɛtɔ Twamagɨɨ 22:18

A mʊgɔ dʊgam nyangnyang n kuwo Yesu sʊwa lɛ gɔ, ‘Gun dǝbǝr, bǝla Urushalimagɔ, jʊ a bwɨɨ mɨsɔ jǝ jǝla nǝtǝm nyiyo mʊnɔ lɛ a dul mɨ.’

Maajɨ Bɛtɔ Twamagɨɨ 24:14

“Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 26:16

Gun tɨ tɨɨ. Mǝ nʊng dul mǝndɨ a daa mʊ woi, sǝ n dǝg ń, ń maa mɨ maajɨ, sǝ ń sʊwa kanjǝl nɨ mʊ kuwo a dul mɨɨ jǝbɔ kanjǝl nɨ mǝ nʊng ń nɛ a kǝgaɨ.

Maajɨ Bɛtɔ Twamagɨɨ 5:30

Kwaama tʊgalam bǝnɨ a gung Yesu, wʊnɨ jǝ́ jʌ gǝn a dʌbʌl tɨya kʊʊtǝmɨ.

Maajɨ Bɛtɔ Twamagɨɨ 7:52

A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Maajɨ Bɛtɔ Twamagɨɨ 9:17

Nǝngɔ Hananiya a yɔɨ, a dɔ lɔgɨɨ. A ya gǝm kang a sʊwa gɔ, “Kɨla mɨ Shawulu, nǝn Tɛlalɔ a twam ɨ, wʊnɨ nǝn Yesu nʊ nɨ a tǝga ń a gola nɨ mʊ bwangtǝnɨ. Swɨ lɛ ń yǝla ń kuwo daa, sǝ ja yii ń nǝn Yʊwa Kwaamaɨ.”

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

1 Korinti 11:23

Jʊ nɨ mǝ yo a daagɔ Tɛlalɔ woi nǝn gɔ mǝ nǝ jeni, gɔ, Tɛlalɔ bǝn Yesu a kum nɨ ja lungtom gǝnɨ, a do kʊkkʊmɔ.

1 Korinti 15:3

Kɛl nɨ a laa jǝl dangǝn wʊnɨ mǝ sʊwa jeni, nǝn gɔ nʊ nɨ mǝ yoi, gɔ, Kiristi a bʊla a dul bwɨlangkɛl bǝn kanga mʊlalɨ kɛl Kwaamaɨ a sʊwaɨ.

1 Korinti 15:8

Nǝn gul gwamɨ, nǝngɔ a nʊng ɨɨ, mǝ nɨ ja bʌ i bɔ na tangǝn kambɨɨ.

1 Korinti 9:1

Mɨ mǝ nǝn nyatǝm dul ka? Mǝ ke bɔ bwɛ twama ka? Mǝ kuwo bɔ Yesu Tɛlalɔ bǝn ka? Jǝ́ ke bɔ maajɨ mɨ a mʊgɔ Tɛlalɔɨ ka?

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Galatiya 1:12

Mǝ yo bɔ a daagɔ nǝfili woi. Mɨ nʊ nɨ wo a mɛla mɨɨ. Nǝn Yesu Kiristi nǝn kang gǝn a nʊng ɨ fulon kɛl lǝmɨ nɨɨ.

Galatiya 1:15

Kwaama a jǝg ɨ na lǝga bɔ ja bʌ i. A jo i a mʊgɔ lǝma gǝn. Nǝn fulotǝm nǝl

2 Timoti 1:1

Nǝmǝ mǝ Bulus bwɛ twama Kiristi Yesui nǝn jǝlatǝm Kwaamaɨ, sǝ n sʊwa swatǝm yaa kʊlɨ nɨ a mʊgɔ Kiristi Yesui.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

1 Bitrus 2:22

“A maa bɔ bwɨlangkɛl wo dǝm. Ja nyʊwa bɔ swagtǝm a nyiyo gǝn.”

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.