Maajɨ Bɛtɔ Twamagɨɨ 21:39 - Dadiya NT

³⁹ Nǝngɔ Bulus a jǝla gǝn gɔ, “Mǝ bwɛ Yahudiyaɨ a Tarsus a tǝm Kilikiya. Mǝ bwɛ tǝm tuulɔ nyan. Mǝ kela ń nɛ bǝla ɨ n sʊwa nǝb nɨ kɛl.”

Maajɨ Bɛtɔ Twamagɨɨ 21:39 ပူးပေါင်းရင်းမြစ်များ

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 15:41

Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.

Maajɨ Bɛtɔ Twamagɨɨ 16:37

Bulus a sʊwa ji gɔ, “Nyangnyang ja bʊg nǝnɨ, ke bɔ borang ja maa nǝmɨ, nǝn tǝnǝn nǝn nǝbɔ Romaɨ, ja mal nǝn a lɔsomi. Jǝ jǝg nǝn nɛ daddad kǝngkɔ? Mɨ nyɔ! Ja bɛ nǝn kang ji ba ja jǝg nǝn.”

Maajɨ Bɛtɔ Twamagɨɨ 21:37

Ya jǝ dɔ lɛ nǝn Bulus a kʊtʊgadi, nǝngɔ a kela dalɨ dʊʊ sʊwajaamɔ gɔ, “Ń jǝla n sʊwa kɛl jǝbɔ mɔ ka?” Nǝngɔ nǝ dʊʊgɔ gɔ, “Ń nyǝm nyiyo Girika ka?

Maajɨ Bɛtɔ Twamagɨɨ 22:3

“Mǝ bwɛ Yahuda. Ja bʌ i a Tarsus a tǝm Kilikiya. Mǝ dʊʊl fɔ a tuulɔ nɨ. Mǝ maa gǝlalantalɔ a daagɔ Gamaliyal woi, a wʊnɨ a mɛla mɨ diil tʊgalam bǝnɔ gwamɨ. Mǝ bwangtǝn Kwaama lɛ dǝngdǝng kanga gwam jenɔ jǝ́ maa lɛ dwiyeni.

Maajɨ Bɛtɔ Twamagɨɨ 23:27

Balɨ nɨɨ, Yahudawagɔ a ta gǝn na ya jǝ jʌ gǝn nɛ. Nǝngɔ mǝ jǝg gǝn nǝbɔ sʊwajaam mǝndɨ yagɨ yagɨɨ, jʊ a bwɨɨ n nyʊwa gɔ nǝngǝn nǝn yɨm dul Roma.

Maajɨ Bɛtɔ Twamagɨɨ 23:34

Gwamnagɔ a kiyo langǝn bwangǝnɨ, nǝngɔ a bʌ Bulus gɔ, “Mʊ na a gwanga won?” A nyʊwa gɔ gwanga Kilikiyaɨ,

Maajɨ Bɛtɔ Twamagɨɨ 6:9

Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ.

Maajɨ Bɛtɔ Twamagɨɨ 9:11

Nǝngɔ Tɛlalɔ a sʊwa gǝn gɔ, “Gun yɔ a gola nɨ jǝ jo lɛ gɔ Sɨnɨ. Yɔ a lɔ Yahuzaɨ, ń bʌ kaa balɨ bwɛ Tarsus wo, dunɔ nǝn Shawulu. Maa keli lɛ a daa gɔ.

Maajɨ Bɛtɔ Twamagɨɨ 9:30

Kambɔ a nyǝm nyɨɨ, nǝngɔ ja yɔ nǝn gɔ a tuulɔ Kaisarɨ, ja tʊng gǝn a tuulɔ Tarsusi.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.