Maajɨ Bɛtɔ Twamagɨɨ 20:7 - Dadiya NT

⁷ Nǝn dibɨlɨ nǝn mʊrka sǝ nǝn tǝga jǝjalǝnɔ sǝ nǝn ja. Nǝngɔ Bulus a sʊwa ji kɛlɨ. Swɨ lɛ gǝ shu nǝn tǝmsɛlɨ, a sʊwa kɛlɔ dɨlagɔ a kan nǝn.

Maajɨ Bɛtɔ Twamagɨɨ 20:7 ပူးပေါင်းရင်းမြစ်များ

Markus 16:9

Guntǝm Yesui a bwaa nǝn kumsʌl nǝn kɔkɔ dibɨlɨɨ, a tǝl a nʊng Maryamu bwɛn Magadaliyaɨ dul gǝnɔ, nɔɔlɨ nɨ Yesu a jǝg gǝm nǝblaamɔ nʌbʌli.

Luka 22:19

Nǝngɔ a do kʊkkʊmɔ, a buu Kwaama gǝm kangɨ, a kǝl, a nǝ jii, a sʊwa gɔ, “Wʊnɨ n bʊtɔ mɨ wʊnɨ mǝ nǝ a kɛl dul jeni. Ya jǝ́ maa lɛ nyɔ sǝ ya jǝ́ bʊʊla lɛ nǝn mǝ.”

Luka 24:35

Nǝngɔ nǝb nɨ yoi a sʊwa ji jʊ a bwɨ nǝn ji a golaɨ. Ja sʊwa ji kanga ja nyǝm gǝnɨ, a kwama a tǝgam ji kʊkkʊmɨ.

Yohana 20:1

Nǝn kumsʌl nǝn dibɨlɨ kwama nɨ tǝmɔ a lǝga bɔ a sɛlɨ, Maryamu bwɛn Magadaliyaɨ a yɔ a tuu Yesui, ya nya ja bʌlʌm dalɨ tɛlɔ ja swa a nyanga tuui.

Yohana 20:19

Nǝn kwaamɨ nǝn dibɨlɨ, bɛtɔ mɛlalɨ Yesui yǝm daagɔ win. Ja nʊngalam nyanga kanɔ jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Nǝngɔ Yesu a bɛ ba tɨ a tɨbǝl jini, a sʊwa ji gɔ, “Bɛ yɨm kwamɨgǝnɔ a na jǝbɔ jen.”

Yohana 20:26

Kum naalǝbɔ a yii, bɛtɔ mɛlalɨgɔ a mʊrka a mʊgɔ lɔngɨ, Toma wo jǝbɔ ji. Nyanga kanɔ a nʊng nʊngɨ, nǝngɔ Yesu a bɛ ba tɨ a tɨbǝl jini a sʊwa gɔ, “Bɛ yɨm kwamɨgǝnɔ a na jǝbɔ jen.”

Maajɨ Bɛtɔ Twamagɨɨ 16:10

Bulus a kuwo dʊgam nyangnyang nɨɨ, tʌgo a kang nǝngɔ nǝn fɛka nǝn shu a Makidoniyaɨ, jʊ a bwɨɨ nǝn nyǝm nǝn Kwaama a jo nǝn gɔ ya nǝn sʊwa ji fulon kɛl lǝmɨ nɨɨ.

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 20:11

Nǝngɔ Bulus a yǝla a dʌbʌl, ya tǝga jǝjalǝnɔ, nǝn jaɨ. A ja kǝga nǝn sʊwatǝm kɛlɔ tǝmɔ a sɛl nǝn. Nǝngɔ la a shui.

Maajɨ Bɛtɔ Twamagɨɨ 20:31

A kɛl dul jʊ nɨ, bɛ jǝ́ yɨ nǝn fɛkalɨ! Jǝ́ bʊʊla jolɔ taal, kum jǝbɔ kɔkɔ, mǝ bǝla bɔ gʊtǝm lɔl jenɔ nǝn kɛl jǝbɔ mwɛ num.

Maajɨ Bɛtɔ Twamagɨɨ 20:5

Ya ja laa nǝnɨ, nǝngɔ ja yam nǝn a Taruwasaɨ.

Maajɨ Bɛtɔ Twamagɨɨ 20:9

Kaa bwayǝlɨ wo dunɔ nǝn Yutikus yǝm a du kan. Nǝngɔ dumɔ maa gǝn nɛɨ. Kwama nɨ Bulus sʊwa kɛlɔ lɛ a som nyɨɨ, dumɔ a do Yutikus. Nǝngɔ a gǝla a lɔ dʌbʌl na taalɔ gǝm a yal a tǝmɨ. Ja do gǝn bʌlʌn.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

1 Korinti 10:16

Kʌshi buutǝm kang nɨ bǝ buum Kwaama gǝm kang lɛɨ, n ke bɔ jʊ a mʊrka bǝn a tʊʊm Kiristii ka? Kʊkkʊm nɨ bǝ kǝlsa lɛɨ, n ke bɔ jʊ a mʊrka bǝn a bʊtɔ Kiristii ka?

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

1 Korinti 16:2

Na nǝn dibɨlɨɨ, bɛ gwam jenɔ jǝ́ saa kemʌn ya jǝ́ ya lɛ dǝngdǝng nyatǝm jenɔ. Ka jǝ́ yam lɛ na n bɛɨ, sǝla jǝ́ mʊr tɨkalɨ jenɔ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Dʊgam Nyangnyang 1:10

Nǝn di kɔkɔ bǝlátǝm Tɛlalɔɨ, mǝ na a mʊgɔ Yʊwa. Nǝngɔ mǝ nyʊwa kaa diil nǝn kwaan na guutǝm jum a gul mɨɨ.