Maajɨ Bɛtɔ Twamagɨɨ 20:32 - Dadiya NT

³² “Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 20:32 ပူးပေါင်းရင်းမြစ်များ

Markus 10:17

Yesu a gun sǝ gǝ bǝla daa gɨɨ, nǝngɔ kaa balɨ a bɛ nǝn sʊgɔl ba jʊng a kǝga gǝnɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨtǝm woi?”

Yohana 15:3

Jʊ mǝ sʊwa jeni, nǝn gɔ a dǝg jen jǝ́ yǝlam nǝb sagsagɨ.

Yohana 17:17

Kɛl mʊnɔ n bɨlǝngkɛlɨ. Bɛ ń saal ji sagsag a gola bɨlǝngkɛl.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 14:23

Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.

Maajɨ Bɛtɔ Twamagɨɨ 14:26

A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.

Maajɨ Bɛtɔ Twamagɨɨ 14:3

A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.

Maajɨ Bɛtɔ Twamagɨɨ 15:40

A Bulusi a do Sila. Kwama nɨ nǝb bwangtǝmɔ a dǝg ji a kang Tɛlalɔɨ sǝ a kɨla jii, nǝngɔ ja shui.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

1 Korinti 6:10

jǝbɔ nǝbkuumɔ, jǝbɔ nǝb wɛlɔ, jǝbɔ nǝbɔ a nɔɔ bʊgɛ maa ji lɛɨ, jǝbɔ nǝb tuwolatǝm tuwolɔ, jǝbɔ nǝb jatǝm mɨbamɔ, mɨsɔ jǝ nya kʊla fɔlɔn lɔ Kwaamaɨ lɛ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

Afisa 1:14

Wʊnɨ nǝn gɔ swatǝm yaa kʊla bǝnɨ sǝ ba la nǝn kwama nɨ Kwaama jǝg nǝb gǝnɔ lɛɨ, sǝ bǝ bǝlá gǝn, bǝ dʊʊl gǝn.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

Afisa 4:16

N daa gǝ woi pʌd bʊtɔgɔ a mʊrkamɨ, kanga jinʌnɔ gǝ mʊrka bʊtɔ nǝlɨ lɛɨ. Na jinʌn bʊtɔgɔ gwam maa maajɨ jinɔ lɛɨ, bʊtɔgɔ pʌd dʊʊl lɛ, nya kwaan nɛ, swɨ tangǝn jinʌnɔ lɛ.

Afisa 5:5

Bɛ jǝ́ nyǝm, nǝ maatǝm bulon, jǝbɔ nǝ maatǝm bwɨlan, jǝbɔ nǝ wɛl (gɔ jǝbɔ nǝ bwangtǝm shom pʌd jǝ win), mɨsɔ jǝ dɔ fɔlɔn lɔ Kiristii lɛ jǝbɔ a Kwaamaɨ.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

Kolosii 3:24

Nǝn Tɛlalɔ Kiristi jǝ́ maa gǝm maajɨ lɛɨ! Jǝ́ nyǝm Tɛlalɔ nǝ jen nǝ kʊla maajɨ jenɔ jǝ́ maaɨ.

Ibranii 10:14

Gǝ na a tǝlatǝm twama naa win, a yii nǝb nɨ ja buti ji sagsag mɨ dɨtǝm woi.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.

Yahuza 1:20

Jǝ́ fatǝm nyan mǝndɨ, bɛ jǝ́ sʊtǝn mɔtǝm dul jenɔ a nǝtǝm bɨlǝngkɛl jenɔ gǝm wʊnɨ sagsagɨɨ. Ya jǝ́ maa keli lɛ nǝn tɨkalɨ Yʊwa Kwaamaɨ.