Maajɨ Bɛtɔ Twamagɨɨ 20:29 - Dadiya NT

²⁹ “N nyǝm na n shui, kaam bwɨlang bangashɨtɨn dɔ dɔ a kʊm jen. Mɨsɔ jǝ bǝla kʌmɔ lɛ.

Maajɨ Bɛtɔ Twamagɨɨ 20:29 ပူးပေါင်းရင်းမြစ်များ

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Matta 7:15

“Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ.

Luka 10:3

Jǝ́ ta yɔmɔ. N wɔ n twam jen na bɛl kwamɨtɨn a kʊm bangashɨtɨn.

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Yohana 10:12

Bwɛ nɨ ja do gǝn tɔɔtǝmɨ, ke bɔ nǝ kwamɨtɨnɨ, kwamɨtɨnɔ ke bɔ a gɨɨ, na a kuwo bangashɨgɔ bɛ lɛɨ, gǝ mwal gǝ bǝla bǝla kwamɨtɨnɔ. Bangashɨgɔ a ta kaam kwamɨtɨnɔ, sǝ tangǝnɔ a kwɨya nǝn kwan.

Yohana 21:15

Ja dɨɨ jatǝm jǝjalǝn kumsʌli, nǝngɔ Yesu a bʌ Saminu Bitrus gɔ, “Saminu bʊla Yohanaɨ, mʊ swɨ ɨ lɛ a laa tangǝn kambɔ ka?” Nǝngɔ Bitrus a jǝla gǝn gɔ, “Ɔɔ, Tɛlalɔ, ń nyǝm mǝ swɨ ń nɛ.” Nǝngɔ Yesu a sʊwa gǝn gɔ, “Ja nǝn kwamɨtɨn mǝndɨ.”

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

1 Bitrus 5:2

Bɛ jǝ́ tɔɔ kʌm kwamɨ Kwaamaɨ nɨ a kang jeni. Bɛ ka jǝ́ maa lɛ maamɔ ja dǝg jen nǝn kwaan. Bɛ jǝ́ maa a mʊgɔ jǝlatǝm, ke bɔ a kɛl kemʌn. Bɛ a yǝlam a swɨtǝm maatǝm.

2 Bitrus 2:1

Kanga galɨgǝn nǝbkuwotǝmkǝga gabakɛlɔ a jel a kʊm nǝb Kwaamaɨ, jǝ nya nya nǝb mɛlalɨ gabakɛlɔ wo a kʊm jen. Jǝ bɛ bɛ nǝn kaa mɛlalɨ gabakɛl wʊnɨ nǝbɔ mɨsɔ nyǝm lɛ gɔ n gabakɛlɨ, sǝ ja mɛla nǝbɔ gǝm gabakɛl nɨ kal ji lɛɨ. Jǝ kɔ kɔ Tɛlalɔ nɨ a ten jii. Maatǝmɔ nyɨɨ gʊ jim gʊ kalkan nɨ mɨsɔ kʊta lɛɨ.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”