“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.
Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”
Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.
nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.
Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.
Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.
A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.
A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.
Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.