Maajɨ Bɛtɔ Twamagɨɨ 20:24 - Dadiya NT

²⁴ Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 20:24 ပူးပေါင်းရင်းမြစ်များ

Luka 16:28

Mǝ nǝngǝn nǝn kɛtǝlam batǝnɔ nʊ sǝ a gʊ jim lɔl a kɛl bwangtǝn Kwaamaɨ, kage ba ja dɔ daa gaalan nɨ.’

Yohana 15:27

Jen tʌjen jǝ́ nǝb nǝtǝm nyiyo, jʊ a bwɨɨ, jǝ́ dakini jǝbɔ mǝ a tǝltǝmɔ gǝm.

Yohana 17:4

N dʊʊl ń a yooli nǝn yiitǝm maajɨ nɨ mʊ nɨ ɨ mɔʊ n maaɨ.

Maajɨ Bɛtɔ Twamagɨɨ 1:17

Galɨgǝn ja kiyo gǝn a kʊm bǝn. Ja nǝ gǝn jǝ maatǝm gǝnɔ a mʊgɔ maajɨ nɨ.”

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 13:25

Kwama nɨ Yohana ya saa dɨtǝm maajɨ gǝnɔ lɛɨ, nǝngɔ a sʊwa gɔ, ‘Jǝ́ kuwo lɛ mǝ nǝn nuwo? Ke bɔ mǝ mǝ nʊ gɨɨ. N wɔ, kaa nǝl wo bɛ lɛ a gul mɨ, wʊnɨ mǝ la bɔ nyɔ n kwɨ dwang twam gǝnɨ.’

Maajɨ Bɛtɔ Twamagɨɨ 14:3

A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 20:23

N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 21:13

Nǝngɔ Bulus a jǝla gɔ, “N wɛ a bwɨ jǝ́ maa lɛ nyɨɨ? Jǝ́ ji wi lɛ, jǝ́ nɨ ɨ fitǝm nǝl lɛɨ? N kwɛl n fɛka fɛkaɨ, ke bɔ bwatǝm kwaagɔ, jǝ jʌ i jʌ i a Urushalima a kɛl dun Tɛlalɔ Yesui.”

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Roma 11:6

Na Kwaama a jǝgǝm ji a kɛl lǝmaɨ, a jǝg ji bɔ a kɛl maajɨ nyantɨn. Na mɨ nyɨɨ, lǝmagɔ ke bɔ lǝma tag.

Roma 4:4

Nʊ nɨ maa maajɨ lɛɨ, ywatǝm gǝnɔ ke bɔ nǝtǝm nǝn kwan, a yo a dul maajɨ gǝnɔ a maaɨ.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

2 Korinti 4:1

A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.

2 Korinti 4:12

Nǝn na a nyiyo bwaa, sǝ jen jǝ́ nya kʊlɨ.

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

2 Korinti 7:4

N jǝla nǝn jen dangǝn. Mǝ maa lɨyal lɛ nǝn jen dangǝn. Jǝ́ kʊʊ mɨ nǝl lɛ dangǝn. A mʊgɔ gaalan nǝnɔ gǝm gwam, mǝ maa fulotǝm nǝl lɛ dangǝn.

Galatiya 1:1

Nǝmǝ mǝ Bulus bwɛ twama, wʊnɨ ke bɔ a daagɔ nǝfitʌmi, ke bɔ nǝfili a twam ɨɨ. Nǝn Yesu Kiristi jǝbɔ Tɛtɛ Kwaama, wʊnɨ a gung gǝn a bwaaɨ, a twam ɨɨ.

Afisa 1:6

A maa nyɔ sǝ bǝ bǝlá dʊʊlǝn lǝma gǝnɔ wʊnɨ a nǝ bǝn nǝn kwan a shu kwaan a mʊgɔ bʊla gǝ nɨ gǝ swɨ lɛɨ.

Afisa 3:13

A dul kɛl nɨɨ, mǝ kela jen nɛ ka jǝ́ gʊ lɛ nǝn gul a kuwotǝm gaalanɔ mǝ nɔɔ lɛ a kɛl dul jeni. Jʊ nɨ n dʊʊlǝn jen.

Filibii 2:17

Nǝtǝm bɨlǝngkɛl jenɔ jǝbɔ maajɨ jenɔ a daagɔ Tɛlalɔ woi a maa na tǝlatǝm twama. Na na mǝ tǝla tǝla tʊʊm mǝndɨ a dul twama nɨɨ, mǝ nyʊwa nyʊwa lǝma, n maa fulotǝm nǝl nǝbɔ jen.

Filibii 2:30

jʊ a bwɨɨ ya bʊla lɛ a maajɨ Kiristii, miyo kʊlɨ gǝnɔ lɛ sǝ a tɨka ɨ maajɨ nɨ jǝ́ dwal bɔ jǝ́ maaɨ.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

1 Tasalonikaɨ 2:2

Nǝn nɔɔ gʌleng gaalan jǝbɔ sogan a tuulɔ Filibi, kanga jǝ́ nyǝmɨ, nǝn tɨkalɨ Kwaama bǝnɨ, nǝn sʊwa jen fulon kɛl lǝmɨ Kwaamaɨ a kǝga nǝb nɨ kɔ nǝn nɛɨ.

1 Tasalonikaɨ 3:3

Nǝn twam gǝn kage kaa nǝl a nya komtǝm a mʊgɔ gaalan nɨɨ. Jen nǝn kang jen jǝ́ nyǝm n jʊ ja ya nǝmɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

Titus 1:3

A jǝg kɛl gǝnɔ a talɨ, a kwama nɨ ga yaɨ, a gola kiyotǝm fulon kɛl lǝmɨ nɨ Kwaama Nǝbʊʊlɨ bǝnɔ a nɨ ɨɨ, a sʊwa ɨ gɔ n kiyoi.

Titus 2:11

Mɛla jim nyɔ jʊ a bwɨɨ, lǝma Kwaamaɨ a bɛ sǝ a bʊʊ nǝn nǝbɔ gwam.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.

Dʊgam Nyangnyang 6:11

Nǝngɔ ja tǝga ji bɛllɛ fulontɨnɔ gwam jini. Nǝngɔ ja sʊwa ji gɔ ja fǝb dǝm, a yɔ nǝn a kwama nɨ ja yii dǝngdǝng ladatǝm fatǝm nǝb bwangtǝm jini, kɛtǝlam jinɔ, tangǝn nǝbɔ wo jǝ jʌbo lɛɨ kanga ja jʌbo jii.