Maajɨ Bɛtɔ Twamagɨɨ 20:23 - Dadiya NT

²³ N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

Maajɨ Bɛtɔ Twamagɨɨ 20:23 ပူးပေါင်းရင်းမြစ်များ

Luka 16:28

Mǝ nǝngǝn nǝn kɛtǝlam batǝnɔ nʊ sǝ a gʊ jim lɔl a kɛl bwangtǝn Kwaamaɨ, kage ba ja dɔ daa gaalan nɨ.’

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 21:11

Agabus a bɛ a daa nǝn woi, nǝngɔ a do dwang fɛl Bulusi. Nǝngɔ Agabus a bwa kang gǝnɔ jǝbɔ naa gǝnɔ a sʊwa gɔ, “Yʊwa Kwaamaɨ a sʊwa gɔ, ‘Yahudawa nɨ a Urushalimaɨ bwa bwa nǝ dwang fɛl nɨ nyɔ, sǝ ja nǝ Bʌtʌbɔ.’ ”

Maajɨ Bɛtɔ Twamagɨɨ 21:33

Nǝngɔ dalɨ dʊʊ sʊwajaamɔ a ta Bulus a dǝg ja bwa gǝn nǝn golmanɔ yoi. Nǝngɔ a bʌ gɔ, “Nʊ nɨ nuwo? N wɛ a maaɨ?”

Maajɨ Bɛtɔ Twamagɨɨ 21:4

Nǝn nya nǝb bwangtǝmɔ woi, nǝngɔ nǝn yɨ wo kumɔ nʌbʌli. Yʊwa Kwaamaɨ a sʊwa ji gɔ ja sʊwa Bulus ka ga yɔ lɛ a Urushalima.

Maajɨ Bɛtɔ Twamagɨɨ 8:29

Nǝngɔ Yʊwa Kwaamaɨ a sʊwa Filibus gɔ, “Yɔ bɨtʌgo a kʌntʌlʌn tʊwa kemʌn nɨ gǝm.”

Maajɨ Bɛtɔ Twamagɨɨ 9:16

Mǝ nǝn kang mɨ, mǝ nʊng gǝn nʊng gaalanɔ gǝ nɔɔ lɛ a kɛl dun mɨɨ.”

1 Tasalonikaɨ 3:3

Nǝn twam gǝn kage kaa nǝl a nya komtǝm a mʊgɔ gaalan nɨɨ. Jen nǝn kang jen jǝ́ nyǝm n jʊ ja ya nǝmɨ.

1 Timoti 4:1

Yʊwa Kwaamaɨ a sʊwa a talɨ gɔ, a dɨltǝm yooligɔ gǝm, kaam nǝbɔ bǝla bǝla nǝtǝm bɨlǝngkɛl jinɔ, ja yǝla ja bwangtǝn nǝblaamɔ jǝbɔ mɛlalɨ nǝblaamɨ.

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.