Maajɨ Bɛtɔ Twamagɨɨ 20:21 - Dadiya NT

²¹ N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 20:21 ပူးပေါင်းရင်းမြစ်များ

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Markus 1:15

Sʊwa lɛ gɔ, “Kwamagɔ a la! Fɔlɔn lɔ Kwaamaɨ a dwama! Jǝ́ yǝla jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn fulon kɛl lǝmɨ nɨɨ.”

Markus 6:12

Nǝngɔ ja jel jǝ kiyo nǝbɔ gǝm lɛ gɔ ja yǝla ja bǝla bwɨlangkɛl jinɔ.

Luka 13:3

N sʊwa jen, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.

Luka 13:5

N sʊwa jen mɨ nyɔ, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.”

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Luka 15:7

Mǝ sʊwa jen nɛ, jǝ maa fulotǝm nǝlɔ nyɔ a dʌbʌl, na nǝ bwɨlangkɛl win a yǝla a bǝla bwɨlangkɛl gǝnɨ, a laa nǝb nɨ dǝngdǝng fʊltʊlkʊb jeli tʊlkʊbɨ, wʊnɨ ja kwɛl ja yǝla ja bǝla bwɨlangkɛl jini.

Luka 16:28

Mǝ nǝngǝn nǝn kɛtǝlam batǝnɔ nʊ sǝ a gʊ jim lɔl a kɛl bwangtǝn Kwaamaɨ, kage ba ja dɔ daa gaalan nɨ.’

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 16:31

Nǝngɔ ja sʊwa gɔ, “Nǝ bɨlǝngkɛl nǝn Tɛlalɔ Yesu, mʊ nya nya bʊʊtǝm, mɔ jǝbɔ nǝbɔ lɔ mʊnɔ.”

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Maajɨ Bɛtɔ Twamagɨɨ 19:17

Gwam nǝb nɨ yǝm a Afisaɨ, Yahudawagɔ jǝbɔ Bʌtʌbɔ, ja nyʊwa fulon kɛl nɨɨ, nǝngɔ taalɔ a ta jii. Nǝngɔ ja nǝ dun Tɛlalɔ Yesui dʊʊnɨ.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 2:40

Nǝngɔ a gʊ jim lɔl nǝn kaam kɛltɨnɔ a gǝlalaɨ, a kel ji tag gɔ, “Jǝ́ bʊʊ nǝn dul jenɔ a bwɨlang nǝb nɨ gǝm.”

Maajɨ Bɛtɔ Twamagɨɨ 20:23

N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 24:24

A gul kaam kumtɨn nɨ a shui, nǝngɔ Filikus jǝbɔ nwala gɔ Durusila kaa bwɛn Yahudaɨ, ja bɛɨ. Nǝngɔ a twam gɔ ja bɛ nǝn Bulusi, nǝngɔ ja nyʊwa kɛl nǝtǝm bɨlǝngkɛl a dul Kiristi Yesui.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 26:20

Mǝ tǝl sʊwatǝm nǝbɔ Dimaskaɨ kɛl Kwaamaɨ, nǝngɔ a la nǝbɔ Urushalimaɨ jǝbɔ Yahudiyagɔ, nǝngɔ a la Bʌtʌbi, mǝʊ ja bǝla bwɨlangkɛl jinɔ ja yǝla a daa Kwaama woi, sǝ ja maa kanjǝl nɨ nʊng lɛ ja yǝla ja bǝla bwɨlangkɛl jini.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Maajɨ Bɛtɔ Twamagɨɨ 8:25

Nǝn kwama Bitrus jǝbɔ Yohana ja nǝ nyiyo a dul Yesui, jǝbɔ kiyotǝm fulon kɛl lǝmɨ Tɛlalɔɨ, nǝngɔ ja yǝla a Urushalimaɨ. Nǝn kwama jǝ yǝlam lɛ a Urushalimaɨ, nǝngɔ jǝ sʊwa fulon kɛl lǝmɨgɔ lɛ a bɛl tuulɔtɨn nɨ a tǝm Samariya a lada nyɨɨ.

Roma 1:14

N do tuulo nǝbɔ Girikaɨ jǝbɔ Bʌtʌbɔ, nǝb nyǝmtǝmɔ jǝbɔ nǝb nɨ a nyǝm bɔ jǝlɨ gwam a dul mɨ sǝ n kiyo jim fulon kɛl lǝmɨgɔ.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 10:9

Na ń sʊwa nǝn nyiyo mʊn mɔʊ Yesu nǝn Tɛlalɔɨ, ń nǝ bɨlǝngkɛl a nǝl mʊn mɔʊ Kwaama a gung gǝn a bwaaɨ, mʊ nya nya bʊʊtǝm.

Roma 2:4

Mʊ soga soga yotǝm lǝma gǝnɔ nɨ a lada nyɨɨ jǝbɔ kʊtǝm nǝl gǝnɔ ka? Mɔ nyǝm bɔ n lǝma Kwaamaɨ a gʊ ń, mʊ yǝla mʊ bǝla bwɨlangkɛl mʊnɨ ka?

Roma 4:24

A yɔ nǝn a kɛl dul bǝn tag. Kwaama kiyo bǝn kiyo bǝ dǝngdǝng bǝn nɨ bǝ nǝ bɨlǝngkɛl a daa nʊ nɨ a gung Yesu Tɛlalɔ bǝn a bwaaɨ.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

1 Korinti 1:22

Yahudawagɔ n maatǝm jǝ laatǝm kang jǝ swɨ lɛ ja kuwoi. Nǝbɔ Girikaɨ n nyǝmtǝm jǝ swɨ lɛ jǝ nyaɨ.

2 Korinti 7:10

Nǝn gɔ kaltǝm nǝlɔ Kwaama swɨ lɛɨ. Gǝ dǝg nǝl a yǝla a bǝla bwɨlangkɛlɨ gǝnɔ. Gǝ bɛ nǝn nyatǝm bʊʊtǝm, mɨsɔ bɛ lɛ nǝn, “Na n nyǝmɨ.” Kaltǝm nǝl yooli nɨ, gǝ bɛ nǝn bwaa.

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Galatiya 3:22

Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.

Afisa 1:15

A dul kɛl nɨɨ, n kwɛl n nyʊwa nyʊwaɨ nǝtǝm bɨlǝngkɛl jenɔ a daa Yesu Tɛlalɔ woi, jǝbɔ swɨtǝm jenɔ tag a dul nǝb nɨ pʌd sagsagɨɨ,

Kolosii 2:5

A bʊtɔɨ, mɨ mǝ wo nǝbɔ jen sul, bʊʊlalɨ mɨɨ wo jǝbɔ jen. Mǝ maa fulotǝm nǝl lɛ nǝn yɨm nɨ a daa tʌgo jǝ́ maaɨ jǝbɔ tɨm jenɔ nǝn kwaan jǝ́ tɨ a nǝtǝm bɨlǝngkɛl a daa Kiristi woi.

Filimon 1:5

jʊ a bwɨɨ, n nyʊwa kɛl nǝtǝm bɨlǝngkɛl mʊnɔ a mʊgɔ Tɛlalɔ Yesui jǝbɔ swɨtǝm mʊnɔ mʊ maa nǝb sagsagɔ gǝm lɛɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

1 Yohana 5:5

Nuwo nyɨ ku jelʌn yooligɔ lɛɨ, na ke bɔ nʊ nɨ a nǝ bɨlǝngkɛl gɔ Yesu nǝn Bʊla Kwaamaɨ?