Maajɨ Bɛtɔ Twamagɨɨ 2:42 - Dadiya NT

⁴² Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Maajɨ Bɛtɔ Twamagɨɨ 2:42 ပူးပေါင်းရင်းမြစ်များ

Luka 24:30

Kwama nɨ jǝ jam jǝjalǝnɔ lɛɨ, nǝngɔ a do kʊkkʊmɨ, a buu Kwaama gǝm kang, a kǝlsa, a tǝga jii.

Luka 24:35

Nǝngɔ nǝb nɨ yoi a sʊwa ji jʊ a bwɨ nǝn ji a golaɨ. Ja sʊwa ji kanga ja nyǝm gǝnɨ, a kwama a tǝgam ji kʊkkʊmɨ.

Maajɨ Bɛtɔ Twamagɨɨ 1:14

Nǝb nɨ gwam ja nǝ dul jinɔ a maatǝm keli, bʊʊlalɨ jinɔ win, jǝbɔ kaam nɔɔtǝm, jǝbɔ Maryamu nɛnɛ Yesui, jǝbɔ kaam kɛtǝlam gǝn.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 20:11

Nǝngɔ Bulus a yǝla a dʌbʌl, ya tǝga jǝjalǝnɔ, nǝn jaɨ. A ja kǝga nǝn sʊwatǝm kɛlɔ tǝmɔ a sɛl nǝn. Nǝngɔ la a shui.

Maajɨ Bɛtɔ Twamagɨɨ 20:7

Nǝn dibɨlɨ nǝn mʊrka sǝ nǝn tǝga jǝjalǝnɔ sǝ nǝn ja. Nǝngɔ Bulus a sʊwa ji kɛlɨ. Swɨ lɛ gǝ shu nǝn tǝmsɛlɨ, a sʊwa kɛlɔ dɨlagɔ a kan nǝn.

Maajɨ Bɛtɔ Twamagɨɨ 4:23

Nǝn kwama ja dem kang a Bitrus gǝm jǝbɔ Yohanaɨ, nǝngɔ ja shu a daa nǝbam jinɔ woi. Nǝngɔ ja sʊwa ji fulon jʊ gwam dʊʊm nǝbkǝlamɔ jǝbɔ dʊʊm nǝbɔ a sʊwa jii.

Maajɨ Bɛtɔ Twamagɨɨ 4:31

Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Maajɨ Bɛtɔ Twamagɨɨ 6:4

sǝ nǝn tǝnǝn nǝn dɔ maatǝm keli, jǝbɔ mɛlatǝm kɛl Kwaamaɨ.”

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

1 Korinti 10:21

A bʊm bɔ jǝ́ nɔɔ a kʌshi Tɛlalɔɨ, ba jǝ́ nɔɔ tag a kʌshi nǝblaamɨ. A bʊm bɔ jǝ́ ja a daa jatǝm Tɛlalɔɨ, ba jǝ́ ja tag a daa jatǝm nǝblaamɨ.

1 Korinti 11:2

Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.

1 Korinti 14:6

Kambɔ, na n bɛ jem mǝ sʊwa kɛl lɛ nǝn kaam nyiyoi, n wɛ maa jem lɛɨ, na mǝ bɛ jem bɔ nǝn jʊ Kwaama a nʊng ɨɨ jǝbɔ nyǝmtǝm jǝbɔ kuwotǝmkǝga jǝbɔ mɛlalɨ kɛl Kwaamaɨ?

Galatiya 1:6

Jʊ nɨ jǝ́ maa lɛɨ, a yǝlam mɨ komʌn dangǝn. A kǝlɨ kwama nǝn dǝm nyɔ jǝ́ bǝla bwangtǝm nʊ nɨ lɛ a jo jen a mʊgɔ lǝma Kiristii, jǝ́ yǝla jǝ́ bwangtǝn kaa fulon kɛl lɛ nǝn kwan.

Afisa 2:20

Jǝ́ nǝb nɨ ja mɔ a dʌbʌl fʌlʌm bɛtɔ twamagɨɨ jǝbɔ a nǝbkuwotǝmkǝgagɨɨ. Kiristi Yesu nǝn dul gǝn nǝn gɔ tɛl fʌlʌm kanɨ.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

Filibii 1:5

Mǝ buu kang lɛ a yɔmɔ jǝ́ yɔ lɛ dakini jǝbɔ mǝ a watǝm fulon kɛl lǝmɨ nɨ, a tǝltǝm, a bɛ nǝn a dwiyeni.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Kolosii 4:2

Jǝ́ ja kǝga nǝn maatǝm keli. Jǝ́ yɨ nǝn fɛkalɨ a mʊgɔ gǝn jǝbɔ buutǝm kang.

2 Timoti 3:14

Mɔ, bɛ ń tɨ a dul jʊ nɨ mʊ mɛlaɨ. Bɛ ń nǝ bɨlǝngkɛl nǝn, jʊ a bwɨɨ ń nyǝm nʊ mʊ mɛla a daa gǝ woi.

Ibranii 10:25

Bɛ ka bǝ bǝla lɛ mʊrkatǝm dakini, bǝ bǝlá Kwaama kanga kaam nǝbɔ maa lɛɨ. Bɛ bǝ ja kǝga ya bǝ kʊʊka nǝl lɛ, kanga jǝ́ kuwo kɔkɔ nɨ a dwamaɨ.

Ibranii 10:39

A bǝnɔ bǝ ke bɔ nǝb nɨ a gʊ nǝn gul ja jʌbo jii. Bǝn bǝ nǝb nǝtǝm bɨlǝngkɛl, wʊnɨ yɔ lɛ nǝn kʊlɨ bǝnɔ a bʊʊtǝmɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.

Yahuza 1:20

Jǝ́ fatǝm nyan mǝndɨ, bɛ jǝ́ sʊtǝn mɔtǝm dul jenɔ a nǝtǝm bɨlǝngkɛl jenɔ gǝm wʊnɨ sagsagɨɨ. Ya jǝ́ maa keli lɛ nǝn tɨkalɨ Yʊwa Kwaamaɨ.